லங்காசிறி FM
கனடா இந்தியா மோதல்... இந்தியாவுக்குதான் எங்கள் ஆதரவு: இலங்கை உயர் ஸ்தானிகர் தெரிவித்துள்ள செய்தி
கனடாவுக்கும் இந்தியாவுக்குமிடையிலான தூதரக உறவுகள் கடுமையாக பாதிக்கப்பட்டுள்ள நிலையில், தங்கள் ஆதரவு இந்தியாவுக்குத்தான் என்று கூறியுள்ளார், இந்தியாவுக்கான இலங்கை உயர் ஸ்தானிகர்.
கனடா இந்தியா மோதல்
கனடா பிரதமரான ஜஸ்டின் ட்ரூடோ, கனடாவில் கொல்லப்பட்ட சீக்கியர் தலைவரான ஹர்தீப் சிங் நிஜ்ஜர் படுகொலையில் இந்திய அரசாங்கத்தின் பங்கு உறுதி செய்யப்பட்டுள்ளதாக வெளிப்படையாக குற்றம் சாட்டினார்.
அதைத்தொடர்ந்து, இந்திய தூதரக அதிகாரி ஒருவரை, நாட்டை விட்டு வெளியேறும்படி கனடா உத்தரவிட்டது. இந்திய தூதரக அதிகாரியை கனடா வெளியேற்றியதற்கு பதிலடியாக, கனேடிய தூதரக அதிகாரி ஒருவரை நாட்டைவிட்டு வெளியேற்றியது இந்தியா. அடுத்ததாக, கனேடியர்களுக்கு விசா வழங்குவதை நிறுத்தியது இந்தியா.
இலங்கை உயர் ஸ்தானிகர் தெரிவித்துள்ள செய்தி
இந்நிலையில், இந்தியாவுக்கான இலங்கை உயர் ஸ்தானிகரான Milinda Moragoda, கனடாவின் குற்றச்சாட்டுகளுக்கு இந்தியாவின் பதில் உறுதியானதாகவும் நேரடியாகவும் உள்ளதாகவும், இந்த விடயத்தில் இந்தியாவை இலங்கை ஆதரிப்பதாகவும் தெரிவித்துள்ளார்.
ETV Bharat
ஊடகவியலாளர்கள் சந்திப்பு ஒன்றில் பேசிய அவர், இலங்கை மக்கள் தீவிரவாதத்தால் பாதிக்கப்பட்டுள்ளதாகவும், தனது நாடு தீவிரவாதத்தை சகித்துக்கொள்ளாது என்றும் கூறியுள்ளார்.
இந்தியா மீதான கனடாவின் குற்றச்சாட்டு குறித்து ஊடகவியலாளர்கள் அவரிடம் கேள்வி எழுப்பியபோது, கனடாவின் குற்றச்சாட்டுகளுக்கு இந்தியாவின் பதில் உறுதியானதாகவும் நேரடியாகவும் உள்ளது என தான் கருதுவதாகவும், இந்த விடயத்தில் இந்தியாவை இலங்கை ஆதரிப்பதாகவும் தெரிவித்தார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
புங்குடுதீவு 9ம் வட்டாரம், மடத்துவெளி புங்குடுதீவு, சுன்னாகம், கொழும்பு, Brampton, Canada
09 May, 2026
