Impact வீரராக வந்து அதிர்ச்சி கொடுத்த இலங்கை வீரர்: சிக்ஸர்களை தெறிக்கவிட்ட தோனி..மிரட்டல் வெற்றி

டெல்லி கேபிட்டல்ஸ் அணிக்கு எதிரான போட்டியில் சென்னை சூப்பர் கிங்ஸ் அணி வீரர் பதிரனா, Impact வீரராக களமிறங்கி விக்கெட் வீழ்த்தி மிரட்டினார்.

தடுமாறிய தொடக்கம்

நாணய சுழற்சியில் வென்ற CSK அணி துடுப்பாட்டத்தை தெரிவு செய்து விளையாடியது. கான்வே 10 ஓட்டங்களில் அக்சர் படேல் பந்துவீச்சில் அவர் ஆனார்.

அதன் பின்னர் வந்த ரஹானே 21 ஓட்டங்களும், கெய்ட்வாட் 24 ஓட்டங்களும் எடுத்து ஆட்டமிழந்தனர். மொயீன் அலி 7 ஓட்டங்களில் வெளியேறினார்.

சிக்ஸர்களை பறக்கவிட்ட தோனி

பின்னர் களமிறங்கிய தூபே (25), ஜடேஜா (21), ராயுடு (23) அதிரடியாக ஓட்டங்கள் குவித்தனர். கேப்டன் தோனி 9 பந்துகளில் 2 சிக்ஸர், ஒரு பவுண்டரியுடன் 20 ஓட்டங்கள் விளாசினார்.

? 10.05.2023 - Thala @ Anbuden ?pic.twitter.com/bezDcb9LwV

— Chennai Super Kings (@ChennaiIPL) May 10, 2023

இதன்மூலம் சென்னை சூப்பர் கிங்ஸ் 8 விக்கெட் இழப்புக்கு 167 ஓட்டங்கள் எடுத்தது. மிட்செல் மார்ஷ் 3 விக்கெட்டுகளும், அக்சர் படேல் 2 விக்கெட்டுகளும் வீழ்த்தினர்.

அதன் பின்னர் களமிறங்கிய டெல்லி அணி விக்கெட்டுகளை பறிகொடுத்தது. தீபக் சஹர் பந்துவீச்சில் வார்னர் ஓட்டங்கள் எடுக்காமலும், சால்ட் 17 ஓட்டங்களிலும் வெளியேறினர்.

இலங்கை வீரரின் மிரட்டல் பந்துவீச்சு

மார்ஷ் 5 ஓட்டங்களில் ரன்அவுட் ஆனார். அதன் பின்னர் ரோசோவ் , மனீஷ் பாண்டே நிதான ஆட்டத்தை வெளிப்படுத்தினர். அப்போது சென்னை அணியில் Impact வீரராக களமிறங்கிய இலங்கையின் பதிரனா மிரட்டலான பந்துவீச்சில் மனீஷ் பாண்டேவை அவுட் செய்து டெல்லிக்கு அதிர்ச்சி கொடுத்தார்.

When you need a breakthrough: Mathee Yosi! #CSKvDC #WhistlePodu #Yellove ?? pic.twitter.com/aok7TJtKQ0

— Chennai Super Kings (@ChennaiIPL) May 10, 2023

டெல்லி அணிக்கு ஓரளவு நம்பிக்கை கொடுத்த ரோசோவ் 35 ஓட்டங்களில் ஜடேஜா பந்துவீச்சில் அவுட் ஆனார். அக்சர் படேல் அதிரடியாக 12 பந்துகளில் 21 ஓட்டங்கள் எடுத்த நிலையில், பதிரனா பந்துவீச்சில் ஆட்டமிழந்தார்.

 @IPL (Twitter)

சென்னை வெற்றி

கடைசி ஓவரில் ஹாட்ரிக் பவுண்டரிகள் விளாசிய லலித் யாதவை 12 ஓட்டங்களில் பதிரனா போல்டாக்கினார். இறுதியில் டெல்லி அணி 140 ஓட்டங்கள் மட்டுமே எடுத்ததால், சென்னை சூப்பர் கிங்ஸ் 27 ஓட்டங்கள் வித்தியாசத்தில் அபார வெற்றி பெற்றது.

பதிரனா 3 விக்கெட்டுகளும், தீபக் சஹர் 2 விக்கெட்டுகளும், ஜடேஜா ஒரு விக்கெட்டும் வீழ்த்தினர். இந்த வெற்றியின் மூலம் சென்னை அணி அடுத்த சுற்றினை ஏறக்குறைய உறுதி செய்து விட்டது.   

@IPL (Twitter)