லங்காசிறி FM
8 மாதத்தில் இரண்டு பில்லியன் அமெரிக்க டொலர்களை சம்பாதித்த நாடு - மத்திய வங்கியால் வெளியிடப்பட்ட தரவு
2024 ஆம் ஆண்டின் முதல் எட்டு மாதங்களில் சுற்றுலாத்துறை மூலம் இலங்கை இரண்டு பில்லியன் அமெரிக்க டொலர்களை ஈட்டியுள்ளதாக நாட்டின் மத்திய வங்கியின் சமீபத்திய தரவு காட்டுகிறது.
மத்திய வங்கியால் வெளியிடப்பட்ட தரவு
மேற்படி காலப்பகுதியில் இலங்கை 2.17 பில்லியன் டொலர்களை ஈட்டியுள்ளது.
இது 2023 ஆம் ஆண்டின் இதே காலப்பகுதியுடன் ஒப்பிடுகையில் 66.1 சதவீதம் அதிகரிப்பாகும் என மத்திய வங்கியின் தரவுகள் தெரிவிக்கின்றன.
அதே காலகட்டத்தில் சுற்றுலாப் பயணிகளின் வருகையும் 50.7 சதவிகிதம் அதிகரித்துள்ளது.
மேலும் 2024 ஆம் ஆண்டின் முதல் எட்டு மாதங்களில் 1.36 மில்லியன் சுற்றுலாப் பயணிகள் வந்துள்ளனர் என்று மத்திய வங்கியின் தரவு காட்டுகிறது.
2024 ஆகஸ்ட் மாதத்தின் வருகை 164,609 ஆக இருந்தது. இது ஆகஸ்ட் 2023 உடன் ஒப்பிடும்போது சுமார் 20 சதவீதம் அதிகமாகும் என்று மத்திய வங்கி தரவு காட்டுகிறது.
சுற்றுலா இலங்கையின் சிறந்த வெளிநாட்டு வருமானம் ஈட்டும் நிறுவனங்களில் ஒன்றாகும்.
இலங்கை சுற்றுலாத்துறை அதிகாரிகள் 2025 ஆம் ஆண்டில் மூன்று மில்லியன் வெளிநாட்டு சுற்றுலாப் பயணிகளை எதிர்பார்ப்பதாக இலங்கை சுற்றுலா ஊக்குவிப்பு பணியகத்தின் முகாமைத்துவப் பணிப்பாளர் நலின் பெரேரா அண்மையில் தெரிவித்துள்ளமை குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
பருத்தித்துறை, London, United Kingdom
19 Oct, 2025
பர்மா, Burma, யாழ்ப்பாணம், கொழும்பு, Minnesota, United States, நியூ யோர்க், United States
05 Nov, 2025
