லங்காசிறி FM
20 ஆண்டுகளைக் கடந்த ஆழிப்பேரலை - இலங்கையில் இரண்டு நிமிட மௌன அஞ்சலி!
இலங்கையில் 2004 ஆம் ஆண்டு சுனாமியால் உயிரிழந்த அனைவரையும் நினைவுகூரும் வகையில் தேசிய பாதுகாப்பு தினமான இன்று (26) நாடு முழுவதும் இரண்டு நிமிட மௌன அஞ்சலி செலுத்தப்படும் என அனர்த்த முகாமைத்துவ நிலையம் தெரிவித்துள்ளது.
20 ஆண்டுகளைக் கடந்துள்ள ஆழிப்பேரலை
இந்த ஆண்டு, 'தேசிய பாதுகாப்பு தினம்' நாடளாவிய ரீதியில் மாவட்ட மட்டத்தில் கடைப்பிடிக்க ஏற்பாடுகள் செய்யப்பட்டுள்ளன, முக்கிய நிகழ்வு காலியில் உள்ள பெரலிய சுனாமி நினைவு சிலைக்கு முன்பாக நடைபெற உள்ளது.
இன்று (26) 2004 பாக்சிங் டே சுனாமியின் 20 வது ஆண்டு நிறைவைக் குறிக்கிறது, இது உலகின் மிக மோசமான மற்றும் மிகவும் அழிவுகரமான இயற்கை பேரழிவுகளில் ஒன்றாகும். இது இந்தியப் பெருங்கடலில் 10 நாடுகளுக்கு மேல் தாக்கத்தை ஏற்படுத்தியது.
இரண்டு நிமிட மௌன அஞ்சலி
எனவே, 2004 ஆம் ஆண்டு சுனாமி மற்றும் இலங்கையில் ஏற்பட்ட ஏனைய இயற்கை அனர்த்தங்களினால் உயிரிழந்த அனைவரையும் நினைவுகூர்ந்து இன்று நாடளாவிய ரீதியில் காலை 9.25 மணி முதல் 9.27 மணி வரை இரண்டு நிமிட மௌன அஞ்சலி செலுத்தப்படும் என தெரிவிக்கப்பட்டுள்ளது.
இந்தோனேசியாவின் சுமத்ரா தீவின் கடற்கரையில் டிசம்பர் 26, 2004 ஞாயிற்றுக்கிழமை காலை 9.1 ரிக்டர் அளவில் கடலுக்கடியில் சக்திவாய்ந்த மெகாத்ரஸ்ட் பூகம்பம் ஏற்பட்டது.
அதிர்ச்சிக்கு சுமார் 20 நிமிடங்களுக்குப் பிறகு, பூகம்பத்தின் மையப்பகுதிக்கு மிக அருகில் இருந்த இந்தோனேசியாவின் தலைநகரான பண்டா ஆச்சே, 100 அடி உயர அலைகளால் பேரழிவிற்கு உட்பட்டது, 100,000 இற்கும் அதிகமான உயிர்கள் காவு வாங்கப்பட்டது.
இந்தோனேசியா, இலங்கை, இந்தியா, தாய்லாந்து, மாலத்தீவுகள், மியான்மர் மற்றும் அந்தமான் நிக்கோபார் தீவுகள் ஆகிய நாடுகளின் கடலோரப் பகுதிகளை கொந்தளிப்பான அலைகள் பின்னர் சூறையாடின.
40,000 க்கும் மேற்பட்ட இறப்புகள் மற்றும் பல மில்லியன் ரூபாய் மதிப்புள்ள சொத்து சேதங்களுடன் இலங்கை கடுமையாக பாதிக்கப்பட்ட நாடுகளில் ஒன்றாக பார்க்கப்பட்டது.
அலைகள் பல கிலோமீட்டர்கள் உள்நாட்டில் குப்பைகளைத் தள்ளி, கட்டிடங்களை இடிபாடுகளுக்குள் தள்ளியதால் ஆயிரக்கணக்கானோர் வீடுகளை இழந்தனர்.
2005 ஆம் ஆண்டு முதல், டிசம்பர் 26 ஆம் திகதி “தேசிய பாதுகாப்பு தினமாக” பிரகடனப்படுத்தப்பட்டு, அன்றைய தினம் ஒவ்வொரு ஆண்டும் தொடர்ச்சியான தேசிய நிகழ்வாக, அரசியல் தலைமையின் பங்கேற்புடன், உயிரிழந்த அனைவரையும் நினைவுகூரும் வகையில் நினைவேந்தல் நிகழ்வுகள் நடத்தப்படுகின்றன.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 5ம் வட்டாரம், புங்குடுதீவு 6ம் வட்டாரம், Montreal, Canada
19 Apr, 2013
அளவெட்டி, London, United Kingdom, Wales, United Kingdom
19 Apr, 2023
புங்குடுதீவு 10ம் வட்டாரம், Biel/Bienne, Switzerland, Brampton, Canada
17 Apr, 2025
ஓட்டுமடம், புங்குடுதீவு 6ம் வட்டாரம், திருச்சி, India, Toronto, Canada
17 Apr, 2015
வல்வெட்டித்துறை கம்பர்மலை, பரந்தன், London, United Kingdom
11 Apr, 2025
