லங்காசிறி FM
T20 உலக கிண்ணத்திலிருந்து வெளியேறிய இலங்கை - 16 வருட சாதனையை முறியடித்த நியூசிலாந்து
Karthikraja
in கிரிக்கெட்
நியூசிலாந்திற்கு எதிரான போட்டியில் தோல்வியடைந்த இலங்கை T20 உலக கிண்ணத்திலிருந்து வெளியேறுகிறது.
உலக கிண்ணத்திலிருந்து வெளியேறும் இலங்கை
2026 T20 உலக கிண்ணத்தின் சூப்பர் 8 சுற்று போட்டியில், இலங்கை மற்றும் நியூசிலாந்து அணிகள் மோதியது.
நாணய சுழற்சியில் வென்ற இலங்கை அணி முதலில் பந்துவீச்சை தேர்வு செய்தது.
இதன்படி முதலில் துடுப்பாட்டம் ஆடிய நியூசிலாந்து அணி, 20 ஓவர்கள் முடிவில் 7 விக்கெட் இழப்பிற்கு 168 ஓட்டங்கள் குவித்தது.
அதிபட்சமாக 7வது விக்கெட்டிற்கு ஜோடி சேர்ந்த மிட்செல் சாண்ட்னர் 47 ஓட்டங்களும், கோல் மெக்கோன்சி 31 ஓட்டங்களும் குவித்தனர்.
இலங்கை தரப்பில் மஹீஷ் தீக்ஷனா மற்றும் மஹீஷ் தீக்ஷனா தலா 3 விக்கெட்களை கைப்பற்றினர்.
169 என்ற வெற்றி இலக்குடன் களமிறங்கிய இலங்கை அணி, 20 ஓவர்கள் முடிவில் 8 விக்கெட் இழப்பிற்கு 107 ஓட்டங்கள் மட்டுமே குவித்தது.
இதன் மூலம், நியூசிலாந்து அணி 61 ஓட்டங்கள் வித்தியாசத்தில் வெற்றி பெற்றது.
32 ஓட்டங்கள் எடுத்து, 4 விக்கெட்களை கைப்பற்றிய ரச்சின் ரவீந்திரா ஆட்ட நாயகன் விருது வென்றார்.
சூப்பர் 8 சுற்றின் 2 போட்டிகளிலும் தோல்வியை தழுவிய இலங்கை அணி, இந்த சுற்றுடன் தொடரை விட்டு வெளியேறுகிறது.
நியூசிலாந்து அணி 2 சாதனை
இந்த போட்டியில், நியூசிலாந்து அணி 2 சாதனைகளை படைத்துள்ளது.
T20 உலக கிண்ணத்தில், 100 ஓட்டங்களுக்கு குறைவான நிலையில் 6 விக்கெட்களை இழந்த பிறகு, ஒரு அணி எடுத்த அதிகபட்ச ஓட்டம் இதுவாகும்.
7வது விக்கெட் அல்லது அதற்கும் குறைவான அதிகபட்ச பார்ட்னர்ஷிப் என்ற சாதனையை மிட்செல் சாண்ட்னர் மற்றும் கோல் மெக்கோன்சி படைத்துள்ளனர். இருவரும் இணைந்து 84 ஓட்டங்கள் குவித்தனர்.
முன்னதாக 2010 T20 உலக கிண்ணத்தில் வங்கதேசத்திற்கு எதிரான போட்டியில், அவுஸ்திரேலிய வீரர்கள் மைக்கேல் ஹஸ்ஸி மற்றும் ஸ்டீவ் ஸ்மித் 74 ஓட்டங்கள் குவித்ததே சாதனையாக இருந்தது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
களுதாவளை, சாவகச்சேரி, மட்டக்களப்பு, London, United Kingdom
14 Apr, 2021
புங்குடுதீவு 4ம் வட்டாரம், கொழும்பு, Paris, France, Zürich, Switzerland
13 Apr, 2026
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
