லங்காசிறி FM
உங்களுக்கு தந்த வாக்குறுதியை நிறைவேற்றிவிட்டேன்! என்னை வாழ்த்துவீர்களா? கருணாநிதி பிறந்தநாளில் முதல்வர் ஸ்டாலின் வெளியிட்ட உருக்கமான வீடியோ
உங்களுக்கு கொடுத்த வாக்குறுதியை நிறைவேற்றி விட்டேன் என கருணாநிதி பிறந்தநாளான இன்று முதல்வர் மு.க ஸ்டாலின் உருக்கமாக கூறியுள்ளார்.
மறைந்த தமிழகத்தின் முன்னாள் முதல்வர் கருணாநிதியின் 98வது பிறந்தநாள் இன்று கொண்டாடப்படுகிறது.
இதையடுத்து சென்னை மெரினா கடற்கரையில் உள்ள கருணாநிதியின் நினைவிடத்தில் முதல்வர் மு.க.ஸ்டாலின், அமைச்சர்கள், திமுக நிர்வாகிகள் மரியாதை செலுத்தினார்கள்.
இதனையொட்டி, தமிழக முதலமைச்சர் மு.க.ஸ்டாலின் தனது சமூக வலைத்தளப் பக்கங்களில் ‘தலைநிமிர்ந்து வருகிறேன்’ என்ற தலைப்பில், தனது குரலில் பேசி வீடியோ ஒன்றை வெளியிட்டுள்ளார்.
அந்த வீடியோவில் பேசியுள்ள மு.க.ஸ்டாலின், திருவாரூரில் கருவாகி தமிழகத்தையே தனது ஊராக்கிய தலைவர்களுக்கெல்லாம் தலைவர்; முதல்வர்களுக்கெல்லாம் முதல்வர்.
தலைநிமிர்ந்து வருகிறேன்! #KalaignarForever https://t.co/4HzvtEGo5u
— M.K.Stalin (@mkstalin) June 3, 2021
முத்தமிழ் கலைஞர் அவர்களே, இன்று ஜூன் 3 உங்கள் பிறந்தநாள் மட்டுமல்ல, உயிரினும் மேலான கோடிக்கணக்கான உடன்பிறப்புகள் அனைவரும் புத்துணர்ச்சி பெற்ற நாள்.
அதனால்தான் கழகத்தின் கண்மணிகளாம் கருப்பு சிவப்பு தொண்டர்கள் அனைவருக்கும் தனித்தனி பிறந்த நாட்கள் இல்லை. எல்லோருக்கும் பிறந்தநாள் இந்த ஜூன் 3.
வங்கக் கடலோரம் வாஞ்சைமிகு தென்றலின் தமிழ் தாலாட்டில் உங்கள் கண்ணான அண்ணனாம் பேரறிஞருக்கு பக்கத்தில் ஓய்வெடுத்துக் கொண்டிருக்கும் எனது ஆரூயிர் தலைவரே, இந்த ஜூன் 3 நான் கம்பீரமாக வருகிறேன்.
உங்களுக்கு கொடுத்த வாக்குறுதியை தொண்டர்கள் துணையுடன் நிறைவேற்றி விட்டேன் என்று சொல்ல தலைநிமிர்ந்து வருகிறேன்.
நீங்கள் மறையவில்லை. மறைந்திருந்து என்னை கவனிப்பதாகத்தான் எப்போதும் நினைப்பேன். கோட்டையை கைப்பற்றிய அடுத்த நாளே கொரோனாவை விரட்ட போராடிக் கொண்டிருக்கிறோம். உழைப்பு உழைப்பு உழைப்பு என்று நீங்கள் உருவகப்படுத்தினீர்கள்.
அதற்கு உண்மையாக இருக்கவே உழைத்துக் கொண்டிருக்கிறேன். உங்கள் சொல் எனக்கு சாசனம்; உங்கள் வாழ்க்கை எனக்கு பாடம்; உங்கள் பாராட்டே எனக்கு உயிர்விசை,
உங்கள் குரலே எனக்கு தேனிசை. உங்களது வார்ப்பான நான் இந்த ஜூன் 3 உங்களை வெற்றிச் செய்தியோடு சந்திக்க வருகிறேன். வாழ்த்துகள் ஸ்டாலின் என்று சொல்வீர்களா தலைவரே என உருக்கமாக பேசியுள்ளார்.
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
