ஏஐ உதவியுடன் கர்ப்பமான பெண் - குழந்தையின்மைக்கு நிரந்தர தீர்வு

 பெண் ஒருவர் ஏஐ உதவியுடன் கர்ப்பமடைந்துள்ளார்.

ஏஐ உதவியுடன் கர்ப்பம்

உலகளவில், தம்பதிகளிடையே குழந்தையின்மை பெரும் பிரச்சனையாக உருவெடுத்து வருகிறது.

IVF, வாடகைத் தாய் போன்ற முறைகள் இந்தப் பிரச்சினை பெருமளவில் தீர்க்கப்பட்டாலும், சில நேரங்களில் IVF முறையும் வெற்றி பெறுவதில்லை. 

அப்படியான தம்பதிகளின் குழந்தையின்மையை சரி செய்ய, STAR என்னும் AI தொழில்நுட்பம் உதவுகிறது.

19 வருடங்களாக குழந்தையின்மைக்கு சிகிச்சை பெற்று வந்த தம்பதி 15 முறை IVF முறையில் முயற்சி செய்தும் கர்ப்பம் தரிக்கவில்லை. தற்போது STAR என்னும் AI தொழில்நுட்பம் உதவியுடன் கர்ப்பமடைந்துள்ளார்.

STAR AI

இந்த STAR (Sperm Tracking and Recovery) தொழில்நுட்பம் Azoospermiaவால் பாதிக்கப்பட்ட ஆண்களின் மலட்டுத்தன்மைக்கு தீர்வாக அமையும். Azoospermia என்பது ஆண்களின் விந்துவில் உயிரணுக்கள் இல்லாத குறைபாடாகும்.

இந்த குறைபாடு உள்ளவர்களுக்கு இயற்கையான குழந்தைப்பேறு கடினமான ஒன்றாகும். ஹார்மோன் சமநிலையின்மை, மரபணு கோளாறு போன்ற பல்வேறு காரணங்களால் இந்த குறைபாடு ஏற்படுகிறது. 

இந்த குறைபாட்டை சரி செய்ய பல்வேறு நுட்பங்கள் இருந்தாலும், STAR தொழில்நுட்பம் சிறந்த தீர்வாக அமைகிறது.

STAR தொழில்நுட்பத்தால் உருவாக்கப்பட்ட இந்த இயந்திரத்தால், 1 மணி நேரத்தில் 80 லட்சம் புகைப்படங்களை எடுக்க முடியும்.

இதன் மூலம், விந்துவில் உள்ள உயிரணுக்களை சிறப்பாக அடையாளம் காணப்பட்டதும், மைக்ரோஃப்ளூயிட் சிப் அவற்றை தனித்தனி சேனல்களுக்குள் செலுத்தி, அதன் பின்னர் பெண்ணின் கருப்பைக்குள் செலுத்தப்பட்டு, கர்ப்பம் உருவாகிறது. 

இந்த தொழில்நுட்பம் 100% பயனளிப்பதாக கூறப்படுகிறது. கொலம்பியா பல்கலைக்கழக கருவுறுதல் மையத்தின் மருத்துவர்கள், 5 ஆண்டுகளாக ஆய்வு செய்து இந்த தொழில்நுட்பத்தை உருவாக்கியுள்ளனர்.

இது குறித்து பேசிய கொலம்பியா பல்கலைக்கழக கருத்தரிப்பு மையத்தின் இயக்குனரும், STAR திட்டத்தின் தலைவருமான டாக்டர். ஜெவ் வில்லியம்ஸ், "STAR அமைப்பு அசோஸ்பெர்மியாவைச் சமாளிக்க உருவாக்கப்பட்டாலும், கரு தேர்வு மற்றும் மரபணு பரிசோதனை போன்ற கருவுறுதல் சிகிச்சையின் பிற அம்சங்களை மேம்படுத்த இதேபோன்ற AI தொழில்நுட்பம் மூலம் மாற்றியமைக்க முடியும்" என தெரிவித்தார்.

உயிரணுக்களை அடையாளம் காணுதல் மற்றும் பிரித்தெடுத்தல் செயல்முறைகள் தானியங்கியாக நடைபெறுவதால், கருவுறுதல் நிபுணர்களின் பணிச்சுமை குறையும்.