அமெரிக்கா மற்றும் கனடாவில் 250 கடைகளை மூடும் Starbucks

United States of America Canada

By Ragavan Sep 24, 2026 11:56 AM GMT

Ragavan

in வணிகம்

Report

Starbucks to shut 250 stores in US and Canada: ஸ்டார்பக்ஸ் 250 கடைகளை மூடவுள்ளது.

250 கடைகள் மூடும் ஸ்டார்பக்ஸ்

உலகப் புகழ்பெற்ற காபி சங்கிலியான ஸ்டார்பக்ஸ் (Starbucks), அமெரிக்கா மற்றும் கனடாவில் உள்ள 250 கடைகளை இந்த வாரம் மூடவுள்ளதாக அறிவித்துள்ளது.

இவை பெரும்பாலும் குறைந்த விற்பனை மற்றும் நஷ்டத்தில் இயங்கும் கடைகள் ஆகும். மொத்தம் 18,000 கடைகளில் சுமார் 1 சதவீதம் கடைகள் மூடப்படுகின்றன.

Starbucks-to-Shut-250-Stores-in-US-Canada

கடந்த ஆண்டு செப்டம்பரிலும் சில கடைகள் மூடப்பட்டிருந்தன. நிறுவனம், விற்பனை அதிகம் உள்ள பகுதிகளில் புதிய கடைகளைத் திறக்கவும், பழைய கடைகளை மேம்படுத்தவும் திட்டமிட்டுள்ளது.

ஸ்டார்பக்ஸ் தலைமை நிர்வாக அதிகாரி Brian Niccol தலைமையில் நடைபெறும் மாற்றுத் திட்டத்தின் ஒரு பகுதியாக இந்த நடவடிக்கை எடுக்கப்பட்டுள்ளது.

இதில் கடை மேம்பாடுகள், சேவை தர உயர்வு, புதிய மார்க்கெட்டிங் மற்றும் மெனு மாற்றங்கள் அடங்கும். சமீபத்திய காலாண்டு விற்பனை எதிர்பார்த்ததை விட அதிகமாக இருந்ததாக நிறுவனம் தெரிவித்துள்ளது.

வேலை வாய்ப்பு

மூடப்படும் கடைகளில் பணிபுரியும் ஊழியர்களுக்கு, சாத்தியமான இடங்களில் மாற்று வேலை வாய்ப்பு வழங்கப்படும். மாற்று வாய்ப்பு இல்லாதவர்களுக்கு severance package வழங்கப்படும் என COO Mike Grams தெரிவித்துள்ளார்.

மேலும், 2028-ஆம் நிதியாண்டுக்குள் அமெரிக்காவில் 400 புதிய கடைகள் திறக்கப்படும் என்றும், நீண்ட காலத்தில் 5,000-க்கும் மேற்பட்ட புதிய கடைகள் திறக்கப்படும் என்றும் நிறுவனம் அறிவித்துள்ளது.