லங்காசிறி FM
ஹார்முஸ் கப்பல் போக்குவரத்து... ட்ரம்பும் ஸ்டார்மரும் அவசர ஆலோசனை
பிரித்தானிய பிரதமர் கெய்ர் ஸ்டார்மரும் அமெரிக்க ஜனாதிபதி டொனால்ட் ட்ரம்பும், ஞாயிற்றுக்கிழமை முன்னெடுத்த தொலைபேசி உரையாடலின்போது, ஹார்முஸ் நீரிணையில் கப்பல் போக்குவரத்தை மீண்டும் தொடங்குவதற்கான அவசரத் தேவை குறித்து ஆலோசித்துள்ளனர்.
அவசரத் தேவை
பிரதமர் ஸ்டார்மரின் அலுவலகச் செய்தித் தொடர்பாளர் வெளியிட்டுள்ள அறிக்கையில், ஹார்முஸ் நீரிணையில் கப்பல் போக்குவரத்தை மீண்டும் தொடங்க வேண்டிய அவசரத் தேவை குறித்துத் தலைவர்கள் விவாதித்துள்ளனர்; உலகப் பொருளாதாரம் தொடர்பிலும், பிரித்தானியா மற்றும் உலகம் முழுவதும் ஏற்படக் கூடிய விலைவாசி உயர்வு குறித்தும் இந்த விவாதம் மேற்கொள்ளப்பட்டது.
மட்டுமின்றி, ஹார்முஸ் நீரிணையில் கப்பல் போக்குவரத்தை மீட்டெடுப்பதற்காக, பிரான்ஸ் ஜனாதிபதி இமானுவல் மேக்ரானுடன் இணைந்து தாம் முன்னெடுத்துள்ள கூட்டு முயற்சியின் சமீபத்திய முன்னேற்றங்களையும் பிரதமர் ட்ரம்புடன் பகிர்ந்துகொண்டுள்ளார்.
மத்திய கிழக்கு போர் முழுவதிலும், தனது அனுமதியின்றி அப்பாதை வழியாகச் செல்ல முயன்ற கப்பல்களைத் தாக்குவதன் மூலம், ஈரான் தனது சொந்தக் கப்பல்களைத் தவிர மற்ற கப்பல்களுக்கு அந்த நீரிணையில் போக்குவரத்தை முடக்கியுள்ளது.
துப்பாக்கிச் சூடு
வழக்கமாக, உலகளாவிய எண்ணெய் மற்றும் திரவமாக்கப்பட்ட இயற்கை எரிவாயுவில் சுமார் ஐந்தில் ஒரு பங்கு இந்த நீர்வழித்தடம் வழியாகவே ஏற்றுமதி செய்யப்படுகிறது.
இதனிடையே, வெள்ளை மாளிகை செய்தியாளர் இரவு விருந்தில் நடந்த துப்பாக்கிச் சூட்டைத் தொடர்ந்து, ட்ரம்ப் மற்றும் முதல் பெண்மணி மெலனியா ட்ரம்ப் ஆகியோர் பாதுகாப்பாக இருப்பது தமக்கு நிம்மதியளிப்பதாக ஸ்டார்மர் ஜனாதிபதி ட்ரம்பிடம் தெரிவித்ததாகவும் செய்தித் தொடர்பாளர் தமது அறிக்கையில் குறிப்பிட்டுள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 5ம் வட்டாரம், புங்குடுதீவு 6ம் வட்டாரம், Montreal, Canada
19 Apr, 2013
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024