லங்காசிறி FM
முடிந்தது நாடகம்... ஜேர்மனிக்கு புதிய போக்குவரத்துத்துறை அமைச்சர் நியமனம்
ஜேர்மன் அரசியலில் கடந்த 10 நாட்களாகவே தொடர்ச்சியாக பல விடயங்கள் நடந்தவண்ணம் உள்ளன.
தொடர்ச்சியாக பல விடயங்கள்
ஜேர்மன் சேன்சலரான பிரெட்ரிக் மெர்ஸின் கட்சியான CDU மற்றும் அதன் சகோதரி கட்சியான CSU கட்சிகளின் நாடாளுமன்றக் குழு தலைவரான இருந்த ஜென்ஸ் ஸ்பான் என்பவர், கட்சிக் கொள்கைகளுக்கு விரோதமாக வாடகைத்தாய் முறையில் குழந்தை பெற்றுக்கொண்டதால் அவருக்கு கடும் எதிர்ப்பு உருவானது.
அதைத்தொடர்ந்து 18ஆம் திகதி தனது நாடாளுமன்றக் குழு தலைவர் பதவியை ராஜினாமா செய்தார் ஸ்பான்.
இந்நிலையில், ஸ்பானின் ராஜினாமாவை ஒரு வாய்ப்பாக பயன்படுத்திக்கொண்டு ஜேர்மன் சேன்ஸலரான பிரெட்ரிக் மெர்ஸ், அமைச்சரவையில் பல மாற்றங்களைச் செய்யத் துவங்கினார்.
அப்போது, ஜேர்மன் ரயில் போக்குவரத்து தொடர்பில் நாட்டில் அதிருப்தி நிலவிவருவதைத் தொடர்ந்து, போக்குவரத்துத் துறை அமைச்சரான பேட்ரிக் ஷ்னைடரும் மாற்றப்படலாம் என பேச்சு அடிபடத் துவங்கியது.
தன் பெயர் இப்படி அடிடுவதால் விரக்தியடைந்த ஷ்னைடர், தனது பதவி தொடர்பில் ஒரு கண்ணியமற்ற சூழல் உருவாகியுள்ளதால், தன்னால் வேலையில் கவனம் செலுத்தமுடியவில்லை என்றும், தன்னை பதவிநீக்கம் செய்யுமாறு ஜேர்மன் சேன்ஸலரை கேட்டுக்கொள்ள இருப்பதாகவும் தெரிவித்திருந்தார்.
இந்நிலையில், தற்போது புதிய போக்குவரத்துத் துறை அமைச்சராக, ஸ்டீஃபன் பில்கெர் (Steffen Bilger) என்பவர் பெயரை அறிவித்துள்ளார் மெர்ஸ்.
இந்த பில்கெர், ஏற்கனவே 2018 முதல் 2021 வரை போக்குவரத்து அமைச்சகத்தில் மாகாணச் செயலராக பணியாற்றியவர் ஆவார்.
விடயம் என்னவென்றால், மாகாண தேர்தல்கள் நெருங்கிவரும் நிலையில், மெர்ஸ் என்ன மாற்றங்கள் செய்தாலும், அதனால் எந்த பலனும் இருக்கப்போவதில்லை என கன்சர்வேட்டிவ் கட்சியினரே கருத்து தெரிவித்துவருகிறார்கள்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
புங்குடுதீவு 10ம் வட்டாரம், ஆனைக்கோட்டை, கொழும்பு, Scarborough, Canada
19 Jul, 2026
