லங்காசிறி FM
கடைசி வரை போராடிய துருவ் ஜூரெல்: ராஜஸ்தானை வீழ்த்தி இறுதிப்போட்டிக்குள் நுழைந்த ஐதராபாத்
Arbin
in கிரிக்கெட்
ராஜஸ்தான் ராயல்ஸ் அணியை 36 ஓட்டங்கள் வித்தியாசத்தில் வீழ்த்தி சன்ரைசர்ஸ் ஐதராபாத் அணி இறுதிப்போட்டிக்குள் நுழைந்தது.
முதல் தகுதி சுற்று ஆட்டத்தில் வெற்றிபெற்ற கொல்கத்தா நைட் ரைடர்ஸ் இறுதிப்போட்டிக்குள் நுழைந்தது. இதனை தொடர்ந்து இன்று சென்னை சேப்பாக்கம் மைதானத்தில் நடந்த போட்டியில் ராஜஸ்தான் ராயல்ஸ் - சன்ரைசர்ஸ் ஐதராபாத் மோதின.
கிளாசன் அதிகபட்சமாக 50 ஓட்டங்கள்
நாணய சுழற்சியில் வென்ற ராஜஸ்தான் முதலில் பந்து வீச்சை தெரிவு செய்தது. இதையடுத்து, ஐதராபாத் தொடக்க வீரர்களாக டிராவிஸ் ஹெட் மற்றும் அபிஷேக் சர்மா களமிறக்கினர். அபிஷேக் 12 ஓட்டங்களில் ஆட்டமிழந்தார்.
அடுத்துவந்த திரிபாதி 37 ஓட்டங்களில் ஆட்டமிழந்தார். மார்க்ரம்( 1 ) வந்த வேகத்தில் அவுட் ஆகி ஏமாற்றம் அளித்தார். தொடக்க வீரர் ஹெட் 34 ஓட்டங்கள் எடுத்து கேட்ச் மூலம் அவுட் ஆனார்.
இறுதியில் ஐதராபாத் 20 ஓவர்கள் முடிவில் 9 விக்கெட்டுகள் இழப்பிற்கு 175 ஓட்டங்கள் குவித்தது. அந்த அணியின் கிளாசன் அதிகபட்சமாக 50 ஓட்டங்கள் குவித்தார்.
இதையடுத்து, 176 ஓட்டங்கள் எடுத்தால் வெற்றி என்ற இலக்குடன் ராஜஸ்தான் ராயல்ஸ் தொடக்க வீரர்களாக ஜெய்ஸ்வால் - டாம் கோலர் காட் மோர் களமிறங்கினர். டாம் 10 ஓட்டங்களில் ஆட்டமிழந்தார்.
இறுதிப்போட்டிக்குள் சன்ரைசர்ஸ் ஐதராபாத்
அதிரடியாக ஆடிய ஜெய்ஸ்வால் 21 பந்துகளில் 42 ஓட்டங்கள் எடுத்து அவுட் ஆனார். ஆனால், ஐதராபாத் அணியின் சிறப்பான பந்து வீச்சால் ராஜஸ்தான் வீரர்கள் அடுத்தடுத்து விக்கெட்டுகளை பறிகொடுத்தனர்.
கடைசி வரை போராடிய துருவ் ஜூரெல் 35 பந்துகளில் 56 ஓட்டங்களுடன் கடைசி வரை களத்தில் இருந்தார். இறுதியில் 20 ஓவர்கள் முடிவில் 7 விக்கெட்டுகளை இழந்த ராஜஸ்தான் ராயல்ஸ் 139 ஓட்டங்கள் மட்டுமே எடுத்தது.
இதன் மூலம் ராஜஸ்தான் ராயல்சை 36 ஓட்டங்கள் வித்தியாசத்தில் வீழ்த்தில் சன்ரைசர்ஸ் ஐதராபாத் அபார வெற்றிபெற்றது. இந்த வெற்றியின் மூலம் நடப்பு ஐ.பி.எல். தொடர் இறுதிப்போட்டிக்குள் சன்ரைசர்ஸ் ஐதராபாத் நுழைந்தது.
வரும் ஞாயிற்றுகிழமை சென்னை சேப்பாக்கம் மைதானத்தில் நடைபெற உள்ள இறுதிப்போட்டியில் கொல்கத்தா நைட் ரைடர்சை சன்ரைசர்ஸ் ஐதராபாத் எதிர்கொள்ள உள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
உரும்பிராய் கிழக்கு, நவாலி வடக்கு, London, United Kingdom
07 Jan, 2025
நெடுந்தீவு மேற்கு, பாண்டியன்குளம், Scarborough, Canada, Whitby, Canada
13 Dec, 2024
நல்லூர், ஆனைக்கோட்டை, Lewisham, United Kingdom, Edgware, United Kingdom
11 Dec, 2024
புங்குடுதீவு 2ம் வட்டாரம், Netherland, United States, Switzerland, United States
09 Jan, 2015
யாழ் அல்லைப்பிட்டி 3ம் வட்டாரம், Jaffna, Ivry-sur-Seine, France
12 Jan, 2022
