லங்காசிறி FM
ருத்ர தாண்டவமாடிய ஹென்ரிச் கிளாசன்! 110 ஓட்டங்கள் வித்தியாசத்தில் சன்ரைசர்ஸ் அபார வெற்றி
கொல்கத்தா நைட் ரைடர்ஸ் அணியை 110 ஓட்டங்கள் வித்தியாசத்தில் வீழ்த்தி சன்ரைசர்ஸ் ஹைதராபாத் அபார வெற்றி பெற்றுள்ளது.
ருத்ர தாண்டவமாடிய சன்ரைசர்ஸ்
ஐ.பி.எல் சீசனின் 68வது லீக் போட்டி புது டெல்லியில் நடைபெற்றது.
நாணய சுழற்சியில் வெற்றி பெற்ற சன்ரைசர்ஸ் அணி முதலில் பந்துவீச்சை தேர்வு செய்தது.
பேட்டிங் தேர்வு செய்த சன்ரைசர்ஸ் ஹைதராபாத், நிர்ணயிக்கப்பட்ட 20 ஓவர்களில் 3 விக்கெட் இழப்பிற்கு 278 ஓட்டங்கள் குவித்து அதிரடி காட்டியது.
Clean. Clinical. Carnage. 🧡pic.twitter.com/ikgOvb6W5w
— SunRisers Hyderabad (@SunRisers) May 25, 2025
நட்சத்திர ஆட்டக்காரர் ஹென்ரிச் கிளாசன் சந்தேகத்திற்கு இடமின்றி, 39 பந்துகளில் 9 சிக்ஸர்கள் மற்றும் 7 பவுண்டரிகள் உட்பட அதிரடியாக 105 ஓட்டங்கள் குவித்து ஆட்டமிழக்காமல் இருந்தார்.
அவருக்கு உறுதுணையாக டிராவிஸ் ஹெட் 40 பந்துகளில் 76 ஓட்டங்களையும் அபிஷேக் சர்மா 16 பந்துகளில் 32 ஓட்டங்களையும், இஷான் கிஷன் 29 ஓட்டங்களையும் வேகமாக சேர்த்தனர்.
சன்ரைசர்ஸ் அபார வெற்றி
279 ஓட்டங்கள் என்ற இமாலய இலக்கை துரத்திய கொல்கத்தா நைட் ரைடர்ஸ் அணி, பார்ட்னர்ஷிப்களை உருவாக்க திணறியது.
அவர்களின் முன்னணி வீரர்கள் விரைவில் வெளியேற, அணி இக்கட்டான நிலையில் தள்ளப்பட்டது.
Go with the 𝖿̶𝗅̶𝗈̶𝗐̶ slow 🫠🧡pic.twitter.com/WGJR3x6upR
— SunRisers Hyderabad (@SunRisers) May 25, 2025
மணீஷ் பாண்டே 23 பந்துகளில் 37 ஓட்டங்கள் எடுத்தும், சுனில் நரைன் 16 பந்துகளில் 31 ஓட்டங்கள் எடுத்தும் சிறிது எதிர்ப்பைக் காட்டினர்.
இவர்களை தொடர்ந்து ஹர்ஷித் ராணா 34 ஓட்டங்களுடன் ஆட்டமிழக்காமல் இருந்தபோதிலும், இறுதியில் KKR அணி 18.4 ஓவர்களில் 168 ஓட்டங்களுக்கு அனைத்து விக்கெட்டுகளையும் இழந்தது.
இதன் மூலம் சன்ரைசர்ஸ் ஹைதராபாத் (SRH) அணி கொல்கத்தா நைட் ரைடர்ஸ் (KKR) அணியை 110 ரன்கள் வித்தியாசத்தில் அபாரமாக வீழ்த்தி வெற்றி பெற்றுள்ளது.
இந்த அபார வெற்றியின் மூலம் சன்ரைசர்ஸ் ஹைதராபாத் அணி, புள்ளிப்பட்டியலில் 6வது இடத்திற்கு முன்னேறியது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
நல்லூர் கந்தசுவாமி திருவிழா 2026 | Day 20
புங்குடுதீவு 10ம் வட்டாரம், சென்னை, India, Toronto, Canada
09 Sep, 2023
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
