லங்காசிறி FM
29 பந்துகளில் 97 ஓட்டங்கள்.,சூர்யவன்ஷி மிரட்டல்! தகுதி சுற்றுக்கு முன்னேறியது RR
சன்ரைசர்ஸ் அணியை 47 ஓட்டங்கள் வித்தியாசத்தில் வீழ்த்தி வெற்றி பெற்றுள்ள ராஜஸ்தான் ராயல்ஸ் அணி இரண்டாவது தகுதிச் சுற்றுக்கு முன்னேறியுள்ளது.
ருத்ர தாண்டவமாடிய வைபவ் சூர்யவன்ஷி
2026 ஐபிஎல்லில் எலிமினேட்டர் சுற்றில் ராஜஸ்தான் ராயல்ஸ் மற்றும் சன்ரைசர்ஸ் ஹைதராபாத் அணிகள் மோதின.
நாணய சுழற்சியில் வெற்றி பெற்ற சன்ரைசர்ஸ் அணி முதலில் பந்து வீச்சை தேர்வு செய்தது.
அதன்படி முதல் பேட்டிங்கில் களமிறங்கிய ராஜஸ்தான் அணியில் தொடக்க வீரரான வைபவ் சூர்யவன்ஷி எதிரணி பந்துவீச்சாளர்களை சூறையாடினார்.
வெறும் 29 பந்துகளை மட்டுமே எதிர்கொண்ட சூர்யவன்ஷி 5 பவுண்டரிகள், 12 சிக்சர்கள் விளாசி 97 ஓட்டங்கள் குவித்து அசத்தினார்.
மேலும் ஜெய்ஸ்வால் (29), துருவ் ஜுரெல்(50), கேப்டன் ரியான் பராக்(26) ஓட்டங்கள் குவித்தனர்.
இதன் மூலம் ராஜஸ்தான் அணி 20 ஓவர்கள் முடிவில் 8 விக்கெட் இழப்புக்கு 243 ஓட்டங்கள் குவித்தது.
தகுதி சுற்றுக்கு முன்னேறிய RR
243 ஓட்டங்கள் என்ற கடுமையான இலக்குடன் களமிறங்கிய சன்ரைசர்ஸ் அணியில் தொடக்கமே அதிர்ச்சியாக அமைந்தது.
அந்த அணியின் நட்சத்திர வீரரான அபிஷேக் சர்மா ஓட்டங்கள் எதுவும் குவிக்காமல் அவுட்டானார்.
மற்றொரு தொடக்க வீரர் டிராவிஸ் ஹெட் 17 ஒட்டங்களும், பின்னர் வந்த இஷான் கிஷன் 33 ஓட்டங்கள், கிளாசன் 18 ஓட்டங்கள், நிதிஷ் குமார் ரெட்டி 38 ஓட்டங்கள், சலில் அரோரா 35 ஓட்டங்கள் குவித்து அடுத்தடுத்து விக்கெட்டை பறிகொடுத்தனர்.
இதனால் 19.2 ஓவர்கள் முடிவில் 10 விக்கெட் இழப்புக்கு 196 ஓட்டங்கள் மட்டுமே சன்ரைசர்ஸ் அணி குவித்தது.
இதன் மூலம் 47 ஓட்டங்கள் வித்தியாசத்தில் இந்த போட்டியில் ராஜஸ்தான் ராயல்ஸ் வெற்றி பெற்றதுடன், 29 திகதி குஜராத் டைட்டன்ஸ் அணிக்கு எதிரான தகுதி சுற்றுக்கு ராஜஸ்தான் அணி முன்னேறியுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
சுண்டிக்குளி, கொய்யாத்தோட்டம், யாழ்ப்பாணம், கொழும்பு, இத்தாலி, Italy, சுவிஸ், Switzerland
12 Nov, 2021
பருத்தித்துறை, மன்னார், Chavakacheri, புலோலி, Lewisham, United Kingdom
03 Oct, 2026
வல்வெட்டித்துறை, Chennai, India, London, United Kingdom
20 Oct, 2016
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024