பணத்திற்காக லலித் மோடியுடன் டேட்டிங்கா? முன்னாள் பிரபஞ்ச அழகி சுஷ்மிதா சென் அதிரடி விளக்கம்

லலித் மோடியுடன் டேட்டிங் செய்வது குறித்து எழுந்த எதிர்மறை விமர்சனங்களுக்கு நடிகை சுஷ்மிதா சென் விளக்கம் அளித்துள்ளார்.

தொழிலதிபர் லலித் மோடி தனது ட்விட்டர் பக்கத்தில் நடிகை சுஷ்மிதா சென்னுடன் இருக்கும் புகைப்படங்களை வெளியிட்டது பேசுபொருளானது. பெரும்பாலும் எதிர்மறை விமர்சனங்களையே இருவரும் சந்தித்தனர்.

அதனைத் தொடர்ந்து நாங்கள் டேட்டிங் செய்கிறோம் என்றும், திருமணம் ஒருநாள் நடக்கும் என்றும் லலித் மோடி தெரிவித்தார். இந்த நிலையில் தன் மீதான விமர்சனங்களுக்கு சுஷ்மிதா சென் விளக்கமளித்துள்ளார்.

இதுதொடர்பாக அவர் தனது சமூக வலைத்தள பக்கத்தில் கூறுகையில், 'நான் நானாக இருக்க விரும்புகிறேன். எனது மனசாட்சி நடுநிலையானது. இயற்கையானது எப்படி அனைத்து படைப்புகளையும் ஒன்றிணைக்கிறதோ, அதைப்போல நானும் அனைத்தையும் விரும்புகிறேன். இத்தகைய சமநிலையை உடைக்கும் போது நாம் எவ்வளவு பிளவுபடுகிறோம் என்பதை காண வேண்டும்.

நம்மைச் சுற்றியுள்ள உலகம் எவ்வளவு பரிதாபமாகவும், மகிழ்ச்சியற்றதாகவும் மாறிவருகிறது என்பதைப் பார்க்கும்போது மனவேதனையாக இருக்கிறது. அறிவார்ந்தவர்கள் என்று அழைக்கப்படும் நபர்கள், தங்கள் அறியாமையால் மலிவான மற்றும் சில சமயங்களில் வேடிக்கையான விமர்சனங்களை முன்வைக்கின்றனர்.

எனக்கு இதுவரை இல்லாத நண்பர்கள் மற்றும் நான் சந்தித்திராத அறிமுகமானவர்கள் என பலரும், தங்கள் மகத்தான கருத்துக்களையும், எனது நடத்தை பற்றியும் ஆழமான அறிவையும் பகிர்கின்றனர். நான் தங்கத்தை விட ஆழமாக தோண்டுகிறேன். நான் எப்போதும் வைரங்களை விரும்புவேன். அவற்றை நானே வாங்கிக் கொள்வேன்' என பதிவிட்டுள்ளார்.

மேலும் அந்த பதிவில் அவர், 'எனது நலம் விரும்பிகளும், அன்பானவர்களும் முழு மனதுடன் தங்களது ஆதரவை தொடர்ந்து வழங்க நான் விரும்புகிறேன். உங்கள் சுஷ் (சுஷ்மிதா) முற்றிலும் நலமாக இருக்கிறார்.

காரணம் நான் ஒருபோதும் நிச்சயம் அல்லாத இந்த புகழ்வெளிச்சத்தில் வசிப்பவள் அல்ல. நான் சூரியன்.. நான் நானாகவும் எனது மனசாட்சியை மையப்படுத்தியே இருக்கிறேன். ஐ லவ் யு கைஸ்' என தெரிவித்துள்ளார்.    

The Problematic Culture Of Calling Women Gold Diggers
https://t.co/zmQ1A8EIup via @SheThePeople ?❤️? #ASelfMadeWoman ?

— sushmita sen (@thesushmitasen) July 17, 2022