லங்காசிறி FM
சமீபத்திய Alpine வரலாற்றில் மிக மோசமான இயற்கை பேரழிவு! எங்கள் இதயத்தை இழக்கவில்லை - மேயர்
Sivaraj
in சுவிட்சர்லாந்து
சுவிஸின் ஆல்பைனில் ஏற்பட்ட பாரிய பனிப்பாறை சரிவில் கிராமத்தை இழந்துவிட்டதாக நகர மேயர் தெரிவித்துள்ளார்.
பேரழிவு தரும் நிலச்சரிவு
சுவிட்சலாந்தின் ஆல்ப்ஸில் புதன்கிழமை ஏற்பட்ட ஒரு பாரிய பனிப்பாறை சரிவானது, பேரழிவு தரும் நிலச்சரிவைத் தூண்டியது.
இதில் Alpine கிராமமான பிளாட்டன் கிட்டத்தட்ட முழுமையாக புதைந்தது. ஆரம்பத்தில் ஒருவர் மாயமானதாக கூறப்பட்டது.
இந்த நிலையில் ஐந்து பேர் காணாமல் போயுள்ளதாக கூறப்படுகிறது. அவர்களை தேடும் பணி தீவிரமாக நடந்து வருகிறது.
கற்பனை செய்ய முடியாதது
மேயர் மத்தியாஸ் பெல்வால்ட் கூறுகையில், "கற்பனை செய்ய முடியாதது நடந்தது. கிராமம் இடிபாடுகளுக்குள் உள்ளது. நாங்கள் எங்கள் கிராமத்தை இழந்துவிட்டோம், ஆனால் எங்கள் இதயத்தை அல்ல. நாங்கள் ஒருவருக்கொருவர் ஆதரவளித்து மீண்டும் கட்டியெழுப்புவோம்" என தெரிவித்துள்ளார்.
கிராமத்தின் வழியாகப் பாயும் லோன்சா நதி, நிலச்சரிவினால் அணைக்கப்பட்டது. இது ஒரு பாரிய செயற்கை ஏரியை உருவாக்கியது மற்றும் கீழ்நோக்கி வெள்ளம் ஏற்படும் என்ற அச்சத்தை எழுப்பியது.
முன்னெச்சரிக்கை நடவடிக்கையாக Wiler மற்றும் Kippel ஆகிய நகராட்சிகளில் உள்ளவர்கள் வெளியேற்றப்பட்டனர்.
எச்சரித்த அதிகாரிகள்
புதிதாக உருவாக்கப்பட்ட ஏரியில் இருந்து வெளியேறும் பாரிய அருவியை சுற்றியுள்ள நிலப்பரப்பை அரிக்கக்கூடும் என்று அதிகாரிகள் எச்சரித்தனர்.
சமீபத்திய ஆல்பைன் வரலாற்றில் மிக மோசமான இயற்கை பேரழிவுகளில் ஒன்றாக அதிகாரிகள் விவரித்துள்ளனர்.
முன்னதாக, குடியிருப்பாளர் ஒருவர், நான் இப்போது பேச விரும்பவில்லை. நேற்று நான் எல்லாவற்றையும் இழந்துவிட்டேன் எனக் கூறினார் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
காரைநகர் களபூமி, ஓட்டுமடம், யாழ்ப்பாணம், Markham, Canada
25 May, 2025
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
மாதகல், மாங்குளம், Amsterdam, Netherlands, Nuremberg, Germany
01 Jun, 2024
வதிரி, Toronto, Canada, Vancouver, Canada, Montreal, Canada
29 May, 2025
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015