லங்காசிறி FM
2024-ல் உலகின் சிறந்த நாடாக சுவிட்சர்லாந்து தெரிவு., தரவரிசையில் இலங்கை பிடித்துள்ள இடம்?
Ragavan
in சுவிட்சர்லாந்து
உலகின் சிறந்த நாடாக சுவிட்சர்லாந்து தொடர்ந்து மூன்றாவது ஆண்டாக தெரிவு செய்யப்பட்டுள்ளது.
யு.எஸ். நியூஸ் & வேர்ல்டின் ( U.S. News & World) வருடாந்திர சிறந்த நாடுகளின் தரவரிசையில் வெளியிடப்பட்ட தரவரிசையில், முதல் 25 இடங்களில் 15 ஐரோப்பிய நாடுகள் இடம் பிடித்துள்ளன.
மேலும், கிழக்கு மற்றும் தென்கிழக்கு ஆசியா நான்கு இடங்களையும், மத்திய கிழக்கு 2 இடங்களையும், வட அமெரிக்கா மற்றும் ஓசியானியா தலா இரண்டு இடங்களையும் பிடித்துள்ளன.
அதிகாரம், வணிகத்திற்கான வெளிப்படைத்தன்மை மற்றும் கலாச்சார செல்வாக்கு உள்ளிட்ட பிரிவுகளில் ஒவ்வொரு நாடும் எவ்வளவு சிறப்பாக தரவரிசைப்படுத்தப்பட்டுள்ளன என்பதை மதிப்பிடுவதற்கு உலகெங்கிலும் உள்ள 17,000-க்கும் மேற்பட்ட மக்களின் கருத்துக்களை இந்த பகுப்பாய்வு எடுத்தது.
முதலிடத்தில் சுவிட்சர்லாந்து
தரவரிசையில் முதலிடத்தில் சுவிட்சர்லாந்து இருந்தது, இது 2017 முதல் கிட்டத்தட்ட ஒவ்வொரு ஆண்டும் அட்டவணையில் முதலிடத்தில் உள்ளது.
"வாழ்க்கைத் தரம், தொழில்முனைவு மற்றும் சமூக நோக்கம்" ஆகிய மூன்று அதிக எடையுள்ள துணை தரவரிசைகளில் குறிப்பிடத்தக்க செயல்திறனால் சுவிட்சர்லாந்து இவ்வாறு வலுவடைந்துள்ளது என்று அறிக்கை கூறியது.
கனடா, அவுஸ்திரேலியா, ஸ்வீடன், ஜேர்மனி, இங்கிலாந்து, நியூசிலாந்து, டென்மார்க் ஆகியவை முதல் 10 இடங்களில் உள்ள மற்ற நாடுகளாகும்.
11 முதல் 25 வரையிலான எண்களில் நோர்வே, பிரான்ஸ், நெதர்லாந்து, சிங்கப்பூர், இத்தாலி, சீனா, ஐக்கிய அரபு எமிரேட்ஸ், தென் கொரியா, ஸ்பெயின், பின்லாந்து, ஆஸ்திரியா, ஐஸ்லாந்து, பெல்ஜியம், அயர்லாந்து மற்றும் கத்தார் ஆகியவை உள்ளன.
இலங்கை மற்றும் அதன் அண்டை நாடுகள் பிடித்துள்ள இடம்
U.S. News & World-ன் 2024 உலகின் சிறந்த நாடுகள் ரவரிசையில் இலங்கை 56-வது இடத்தையும், இந்தியா 33-வது இடத்தையும் பிடித்துள்ளன.
இலங்கையின் மற்ற அண்டை நாடுகளான சீனா 16-வது இடத்தையும், வங்கதேசம் 71-வது இடத்தையும், மியான்மார் 73-வது இடத்தையும் பிடித்துள்ளன.
யு.எஸ். நியூஸ் & வேர்ல்ட் படி, முதல் 10 நாடுகள்
1 - சுவிட்சர்லாந்து
2 - ஜப்பான்
3 - அமெரிக்கா
4 - கனடா
5 - அவுஸ்திரேலியா
6 - ஸ்வீடன்
7 - ஜேர்மனி
8 - பிரித்தானியா
9 - நியூசிலாந்து
10 - டென்மார்க்
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Switzerland, United Kingdom, Sri Lanka, India, Switzerland named world's best country in 2024
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
