உலகின் மிகப்பெரிய மடிக்கக்கூடிய சோலார் கூரையை கட்டிய சுவிட்சர்லாந்து

சுவிட்சர்லாந்தில் உலகின் மிகப்பெரிய மடிக்கக்கூடிய சோலார் கூரை அமைக்கப்பட்டுள்ளது. 

சுவிட்சர்லாந்தின் உஎடன்டார்ஃப் (Uetendorf) நகரில், உலகின் மிகப்பெரிய மடிக்கக்கூடிய சோலார் கூரை (Foldable Solar Roof) அமைப்பு திறக்கப்பட்டுள்ளது.

ஜேர்மனியில் அதிக வேலைவாய்ப்புகள் உள்ள 6 தொழில்கள்

இது, புதுப்பிக்கத்தக்க ஆற்றலை தற்போதைய கட்டமைப்புகளுடன் ஒருங்கிணைக்கும் முக்கிய முன்னேற்றமாகக் கருதப்படுகிறது.

இந்த சோலார் கூரை, ARA Thunersee கழிவுநீர் சுத்திகரிப்பு நிலையத்தின் மேல் அமைக்கப்பட்டுள்ளது.

சுமார் 20,000 சதுர மீட்டர் பரப்பளவில் (3 கால்பந்து மைதானங்களுக்கு சமம்) விரிந்துள்ள இந்த அமைப்பு, ஆண்டுக்கு 3 முதல் 3.4 GWh மின்சாரம் உற்பத்தி செய்யும் திறன் கொண்டது. இது சுமார் 700 வீடுகளுக்கு மின்சாரம் வழங்கும் அளவு ஆகும்.

இந்த திட்டம், dhp technology நிறுவனத்தின் HORIZON எனப்படும் காப்புரிமை பெற்ற முறைமையைப் பயன்படுத்துகிறது. கேபிள் ஆதரவு கொண்ட இலகுரக அமைப்பு, பாரம்பரிய எஃகு கட்டமைப்புகளை விட 50 சதவீதம் குறைவான பொருட்களை பயன்படுத்துகிறது.

மேலும், கடுமையான வானிலை ஏற்பட்டால், கூரை தானாகவே மடிந்து பாதுகாப்பான நிலையில் சேமிக்கப்படும்.

அரசாங்க நிதி மசோதாவில் ட்ரம்ப் கையெழுத்து., முடிவுக்கு வந்த 43 நாள் பணிநிறுத்தம்

இந்த சோலார் கூரை, கேபிள் கார்களின் தொழில்நுட்பத்தால் ஈர்க்கப்பட்ட வடிவமைப்பைக் கொண்டுள்ளது. கண்ணாடி இல்லாத சோலார் பலகைகள், உயர் அழுத்த கேபிள்களில் தொங்கவிடப்பட்டுள்ளன. 20 மீட்டர் அகலமும், 7 மீட்டர் உயரமும் கொண்ட இந்த அமைப்பு, பராமரிப்பு மற்றும் தொழில்நுட்ப பணிகளுக்கான முழு அணுகலை வழங்குகிறது.

சுவிட்சர்லாந்தின் இந்த முயற்சி, நிலப்பரப்பை அதிகம் பயன்படுத்தாமல், ஆற்றல் உற்பத்தியை அதிகரிக்கும் புதிய வழிமுறையாக உலகளவில் கவனம் ஈர்க்கிறது.

பிரித்தானியாவின் முதல் சிறிய அணு உலை அமைக்க வடக்கு வேல்ஸ் தெரிவு

Switzerland foldable solar roof, World’s largest solar project 2025, Uetendorf solar canopy Switzerland, Horizon retractable solar system, dhp technology solar innovation, Renewable energy Switzerland, Solar power wastewater plant, Foldable PV roof Switzerland, Europe clean energy projects, Solar energy infrastructure design