லங்காசிறி FM
சுவிட்சர்லாந்தில் இன்று முதல் விதிகள் தளர்வு! வெளியான முக்கிய தகவல்..
Ragavan
in சுவிட்சர்லாந்து
சுவிட்சர்லாந்து அரசு இன்று முதல் வீட்டில் இருந்து வேலை செய்ய வேண்டிய தேவைகளை நீக்கியுள்ளது, மேலும் மற்ற கோவிட் விதிகளையும் விரைவில் தளர்த்தவுள்ளது.
சுவிட்சர்லாந்தில், உணவகங்களில் கோவிட் சான்றிதழ்களைக் காண்பிப்பது மற்றும் பொதுப் போக்குவரத்தில் முகக்கவசங்களை அணிவது உள்ளிட்ட அனைத்து தொற்றுநோய் தொடர்பான விதிகளையும் இந்த மாத இறுதியில் நீக்குவது குறித்து அரசாங்கம் பரிசீலிக்கவுள்ளது.
இன்று முதல் (பிப்ரவரி 3, வியாழக்கிழமை), வீட்டிலிருந்து வேலை செய்ய வேண்டிய தேவையை நீக்கி, அதை ஒரு பரிந்துரையாக மாற்றுகிறது.
அத்துடன் வைரஸுக்கு நேர்மறை சோதனை செய்த ஒருவருடன் தொடர்பு கொண்டவர்களுக்கான தனிமைப்படுத்தல் விதிமுறையை முடிவுக்குக் கொண்டுவருகிறது.
இது குறித்து பேசிய சுவிஸ் அதிபர் இக்னாசியோ காசிஸ் (Ignazio Cassis), "இன்று ஒரு சிறந்த நாள்" என்று கூறினார். மேலும், "இந்த அழகான நாள் இந்த நீண்ட மற்றும் கடினமான நெருக்கடியில் ஒரு புதிய கட்டத்தின் தொடக்கத்தைக் குறிக்கிறது. நிச்சயமாக, இது தொற்றுநோய் முடிந்துவிட்டது என்று அர்த்தமல்ல, ஆனால் சுரங்கப்பாதையின் முடிவில் ஒரு ஒளியைக் காண்கிறோம்." என்று கூறினார்.
Credit Suisse Group AG, UBS Group AG உள்ளிட்ட வங்கிகள், உலகின் தலைசிறந்த பொருட்கள் வர்த்தக நிறுவனங்கள் மற்றும் ஆடம்பர வாட்ச் தயாரிப்பாளர்களின் தாயகமான சுவிட்சர்லாந்து, கொடிய நோய் பரவுவதைத் தடுக்கும் நோக்கில் விதிகள் மற்றும் ஒழுங்குமுறைகளை தேவையான அளவிற்கு பின்பற்றிக்கொள்வதுடன், நாட்டின் பொருளாதாரத்தையும் பாதுக்காக்கும் நோக்கத்தில் இந்த முடிவை எடுத்துள்ளது.
அதிகாரிகள் இப்போது இரண்டு விருப்பங்களை பரிசீலிப்பார்கள் என்று கூறப்படுகிறது.
- அதன்படி, பிப்ரவரி 17 அன்று உணவகங்களுக்கான கட்டாய கோவிட்-பாஸ்கள் மற்றும் பொதுப் போக்குவரத்தில் முகக்கவசங்கள் உட்பட அனைத்துக் கட்டுப்பாடுகளையும் முடிவுக்குக் கொண்டுவரலாம். பெரிய அளவிலான நிகழ்வுகளுக்கான பாதுகாப்புத் திட்டங்கள் அப்படியே இருக்கும்.
-
அல்லது இரண்டு படி அணுகுமுறை (two step approach) மேற்கொள்ளப்படலாம். அதாவது முதற்கட்டமாக சில நடவடிக்கைகள் மட்டும் பிப்ரவரி 17-ஆம் திகதி நீக்கப்படும், பின்னர் மற்ற கட்டுப்பாடுகள் பிற்காலத்தில் தளர்த்தப்படும்.
ஐரோப்பாவில் உள்ள அரசியல்வாதிகள் தொற்றுநோயால் சோர்வடைந்த பொதுமக்களிடமிருந்து அழுத்தங்களை எதிர்கொள்கின்றனர், அவர்கள் பல பொது சுகாதார நடவடிக்கைகளை பெருகிய முறையில் தேவையற்றதாகக் கருதுகின்றனர்.
சுவிஸ் இப்போது டென்மார்க், அயர்லாந்து மற்றும் பிரான்ஸ் ஆகிய நாடுகளுடன் இணைந்து பொது வாழ்வில் உள்ள பெரும்பாலான கட்டுப்பாடுகளை தளர்த்த உள்ளது. நார்வேயும் பெரும்பாலான விதிகளை தளர்த்தியது.
அதே நேரத்தில், உலக சுகாதார அமைப்பு (WHO) உட்பட பொது சுகாதார அதிகாரிகள், Omicron மாறுபாடு எழுச்சிக்கு மத்தியில் மிக விரைவில் நடவடிக்கைகளை நீக்குவதற்கு எதிராக அரசாங்கங்களை எச்சரித்துள்ளனர்.
சுவிட்சர்லாந்தில் வழக்குகளின் எண்ணிக்கை தொடர்ந்து அதிகரித்து வந்தாலும், தடுப்பூசிகள் மற்றும் இப்போது ஆதிக்கம் செலுத்தும் வைரஸின் குறைவான தீவிரத்தன்மை காரணமாக, மருத்துவமனையில் அனுமதிக்கப்படுபவர்கள் மற்றும் இறப்புகள் நிலையானதாக உள்ளன. இதனால் அடுத்தடுத்து கட்டுப்பாடுகளை நீக்கவே அரசு திட்டமிட்டுள்ளது.
தொண்டைமானாறு, காங்கேசன்துறை, London, United Kingdom
23 Nov, 2024
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
