லங்காசிறி FM
டி20 உலககோப்பை: இலங்கையை வீழ்த்தி அரையிறுதிக்கு தகுதிபெற்றது இங்கிலாந்து! அவுஸ்திரேலியா வெளியேற்றம்
டி20 உலககோப்பையில் இங்கிலாந்து அணி 5 விக்கெட் வித்தியாசத்தில் இலங்கையை வீழ்த்தியது.
ரன்ரேட் முறையில் அவுஸ்திரேலிய அணி உலக கோப்பையில் இருந்து வெளியேறியது.
டி20 உலக கோப்பை கிரிக்கெட் போட்டி அவுஸ்திரேலியாவில் நடைபெற்று வரும் நிலையில், குரூப் 1-ல் இன்றைய கடைசி சுற்று லீக் ஆட்டத்தில் இலங்கை மற்றும் இங்கிலாந்து அணிகள் மோதின.
இதில் நாணய சுழற்சியை வென்ற இலங்கை அணி முதலில் துடுப்பாட்ட முடிவு செய்தது. அதன்படி களமிறங்கிய இலங்கை அணி 20 ஓவர் முடிவில் 8 விக்கெட்டுகளை இழந்து 141 ஓட்டங்கள் எடுத்தது. அதிகப்பட்சமாக நிசங்கா 67 ஓட்டங்கள் எடுத்தார்.
இதனையடுத்து 142 ஓட்டங்கள் எடுத்தால் வெற்றி என்ற எளிய இலக்குடன் இங்கிலாந்து அணி களமிறங்கியது. தொடக்க ஆட்டக்காரர்களான ஜோஸ் பட்லர் - அலெக்ஸ் ஜோடி முதல் விக்கெட்டுக்கு 7 ஓவரில் 74 ஓட்டங்கள் குவித்தது.
இதனால் 15 ஓவரில் ஆட்டம் முடிந்து விடும் என எதிர்பார்க்கப்பட்டது. ஆனால் 75 ஓட்டங்களில் முதல் விக்கெட்டை இழந்த இங்கிலாந்து அணி 111 ஓட்டங்கள் எடுப்பதற்குள் 5 விக்கெட்டுகளை இழந்து திணறியது.
இதனையடுத்து ஸ்டோக்ஸ் - சாம் கரன் ஜோடி நிதானமாக விளையாடி ஓட்டங்கள் சேர்த்தனர். சாம் கரன் 6 ஓட்டங்களில் ஆட்டமிழந்தார்.
12 பந்துகளில் 13 ஓட்டங்கள் எடுக்க வேண்டிய நிலையில் கைவசம் 4 விக்கெட்டுகள் இருந்தது.
கடைசி ஓவர் வரை சென்ற இந்த ஆட்டத்தில் இங்கிலாந்து அணி 4 விக்கெட் வித்தியாசத்தில் வெற்றி பெற்றது. அதிகபட்சமாக ஸ்டோக்ஸ் 44 ஓட்டங்கள் எடுத்தார்.
இந்த வெற்றியின் மூலம் இங்கிலாந்து அணி அரையிறுதிக்கு தகுதி பெற்றது.
ரன்ரேட் அடிப்படையில், டி20 உலககோப்பை கிரிக்கெட் தொடரிலிருந்து போட்டியை நடத்தும் நடப்பு சாம்பியனான ஆஸ்திரேலியா தொடரை விட்டு வெளியேறியது.
இதன் மூலம், நாளைய ஆட்டத்தில் ஜிம்பாப்வேவை இந்தியா வீழ்த்தும் பட்சத்தில் அரையிறுதியில் இந்தியாவும், இங்கிலாந்தும் மோதும்.
புங்குடுதீவு 10ம் வட்டாரம், சென்னை, India, Toronto, Canada
09 Sep, 2023
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
