லங்காசிறி FM
வங்கதேசத்தை புரட்டி போட்ட இந்தியா அணி: 50 ஓட்டங்கள் வித்தியாசத்தில் அபார வெற்றி
Thiru
in கிரிக்கெட்
வங்கதேச அணிக்கு எதிரான சூப்பர் 8 சுற்றில் இந்திய அணி 50 ஓட்டங்கள் வித்தியாசத்தில் அபார வெற்றி பெற்றுள்ளது.
ஆதிக்கம் செலுத்திய இந்தியா
ஐசிசி டி20 உலகக் கோப்பையின் சூப்பர் 8 சுற்றில், நாணய சுழற்சியில் வென்ற இந்திய அணி முதலில் பேட்டிங் தேர்வு செய்தது.
ரோஹித் சர்மா 23 ஓட்டங்களையும், அவரை தொடர்ந்து விராட் கோலி (37 ஓட்டங்கள்), ரிஷப் பண்ட் (36 ஓட்டங்கள்), ஷிவம் துபே (34 ஓட்டங்கள்) என ஓட்டங்களை அதிரடி குவித்து அணியை வலுப்படுத்தினர்.
இறுதியில், ஹர்திக் பாண்டியாவின் அதிரடியான 50 ஓட்டங்களின் மூலம் இந்திய அணி 20 ஓவர்களில் 196 ஓட்டங்கள் குவித்தது.
வங்கதேச அணி பந்துவீச்சில் ரிஷாத் அஹ்மது மற்றும் தன்சிம் அஹ்மது தலா 2 விக்கெட்டுகளை வீழ்த்தினர்.
தடுமாறிய வங்கதேசம்
197 ஓட்டங்கள் என்ற இலக்கை விரட்டிய வங்கதேச அணியில், தொடக்கத்தில் லிட்டன் தாஸ் 13 ஓட்டங்களுடன் நிதானமாக ஆட்டத்தை தொடங்கினார்.
ஹசன் மஹ்மூது அதிரடி ஆட்டத்தை வெளிப்படுத்தி 29 ஓட்டங்களை குவித்த போதிலும், பிற வீரர்களால் நிலைத்து ஆட முடியவில்லை.
இந்திய அணியின் பந்து வீச்சில் குல்தீப் யாதவ் 3 விக்கெட்டுகள் வீழ்த்தினார். அர்ஷ்தீப் சிங் மற்றும் ஜஸ்பிரித் பும்ரா தலா 2 விக்கெட்டுகள் வீழ்த்த வங்கதேச அணி 20 ஓவர்கள் முடிவில் 146 ஓட்டங்களை மட்டும் குவித்து தோல்வியை தழுவியது.
இதன் மூலம் சூப்பர் 8 சுற்றில் இந்திய அணி 50 ஓட்டங்கள் வித்தியாசத்தில் அபார வெற்றி பெற்றுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
தெல்லிப்பழை, கொழும்பு, London, United Kingdom
13 Sep, 2022
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
மலேசியா, Malaysia, யாழ்ப்பாணம், Markham, Canada, Brampton, Canada
06 Sep, 2025
இளவாலை, Brisbane, Australia, Harrow, United Kingdom
06 Sep, 2025
