ரஷ்யாவும் ஐரோப்பாவும் பேச்சுவார்த்தைக்கு வாய்ப்பு: ஜேர்மனி வெளியிட்ட தகவல்

உக்ரைன் விவகாரம் தொடர்பாக ரஷ்யா- ஐரோப்பா இடையே பேச்சுவார்த்தைக்கான வாய்ப்பு உருவாகி வருவதாகவும், ஆனால் பேச்சுவார்த்தைகள் தொடங்குவதற்குச் சில மாதங்கள் ஆகக்கூடும் என ஒரு ஜேர்மானிய அரசு அதிகாரி தெரிவித்துள்ளார்.

E3 குழு

குறித்த அதிகாரி மேலும் தெரிவிக்கையில், ஐரோப்பியர்கள் நியாயமானதாகக் கருதும் வகையிலான, பேச்சுவார்த்தைக்கான தொடக்கத்தை அமைப்பது இன்றியமையாதது என்று கூறியுள்ளார்.

அத்தகைய பேச்சுவார்த்தைகளை யார் முன்னின்று நடத்துவார்கள் என்ற கேள்விக்கு, ஜேர்மனி, பிரான்ஸ் மற்றும் பிரித்தானியா அடங்கிய 'E3 குழுவே' அவற்றை நடத்தும் என்பதற்கான வலுவான அறிகுறிகள் இருப்பதாக அந்த அதிகாரி தெரிவித்துள்ளார்.

இந்த ஆண்டு ரஷ்யப் படைகளின் முன்னேற்றம் மந்தமடைந்துள்ள நிலையில், உக்ரேனியப் படைகள் போர்க்களத்தில் அழுத்தத்தை அதிகரித்து வருவதுடன், ஜனாதிபதி விளாடிமிர் புடினின் வருடாந்திர பொருளாதார மாநாட்டிற்கு முன்னதாக புதன்கிழமை செயின்ட் பீட்டர்ஸ்பர்க் மீதான தாக்குதல் உட்பட, ரஷ்யாவிற்குள் தீவிரப்படுத்தப்பட்ட நீண்ட தூரத் தாக்குதல் நடவடிக்கைகளின் மூலமும் அழுத்தத்தை அதிகரித்து வருகின்றன.

சொந்த பிள்ளைகள் கண் முன்னே... பிரெஞ்சு தாயாருக்கு வெளிநாட்டில் நேர்ந்த கொடூரம்: வெளியான தீர்ப்பு

சமீபத்திய தாக்குதல்

இதனிடையே, உக்ரைன் ஜனாதிபதி வொலோடிமிர் செலென்ஸ்கியின் தலைமைப் பணியாளர், குளிர்காலத்திற்குள் போரை முடிவுக்குக் கொண்டுவரும் ஒப்பந்தத்தை எட்டுவது ஒரு யதார்த்தமான சாத்தியம் என்று கூறியுள்ளார்.

இந்த நிலையில், பேச்சுவார்த்தைகள் தொடங்கும் நிலையை எட்டுவதற்கு வாரங்கள் அல்ல, மாதங்கள் ஆகக்கூடும் என்பதை சமீபத்திய தாக்குதல்கள் சுட்டிக்காட்டுவதாகவும், மேலும் பேச்சுவார்த்தைகள் உக்ரைனுடன் முழுமையான உடன்பாட்டுடன் நடத்தப்படுவதை உறுதி செய்வது முக்கியம் என்றும் அந்த ஜேர்மானிய அதிகாரி கூறியுள்ளார்.

முன்னதாக, ரஷ்யாவுடன் எதிர்காலத்தில் நடைபெறக்கூடிய பேச்சுவார்த்தைகளில், முன்னாள் ஜேர்மன் ஜனாதிபதி கெர்ஹார்ட் ஷரோடர் பிரதிநிதியாகப் பங்கேற்கலாம் என்ற புடினின் பரிந்துரையை ஜேர்மனியும் ஐரோப்பிய அரசாங்கங்களும் நிராகரித்துள்ளது.