லங்காசிறி FM
மூன்று ஆண்டுகளாக தீவொன்றில் சிக்கித் தவித்த இலங்கைத் தமிழர்கள்: பிரித்தானியாவிலிருந்து ஒரு நல்ல செய்தி
இந்தியப்பெருங்கடலிலுள்ள தீவு ஒன்றில் மூன்று ஆண்டுகளாக சிக்கித் தவித்த 64 இலங்கைத் தமிழர்கள் பிரித்தானியாவுக்குத் திரும்ப, தடை விலகியுள்ளது.
தீவொன்றில் மூன்று ஆண்டுகளாக சிக்கித் தவித்த இலங்கையர்கள்
2021ஆம் ஆண்டு, அக்டோபர் மாதம் 3ஆம் திகதி, கனடாவுக்குச் செல்லும் நோக்கில் புறப்பட்ட இலங்கைத் தமிழர்கள் பயணித்த படகொன்று நடுக்கடலில் சிக்கித் தவிக்க, பிரித்தானிய கடற்படை அவர்களை மீட்டுள்ளது.
ஆனால், அவர்கள் பிரித்தானியாவுக்குக் கொண்டு செல்லப்படாமல், பிரித்தானியாவின் கடல் கடந்த பிரதேசமான Diego Garcia என்னும் தீவுக்குக் கொண்டு செல்லப்பட்டார்கள்.
சுமார் மூன்று ஆண்டுகளாக அவர்கள் அனைவரும் அந்த தீவிலேயே அடைபட்டுள்ளார்கள்.
இலங்கையில் சந்தித்த துன்புறுத்தல்களுக்குத் தப்பத்தான் அவர்கள் படகில் புறப்பட்டார்கள். ஆனால், இலங்கையிலிருந்து வெளியேறியும் துன்புறுத்தல்களிலிருந்து அவர்கள் தப்பமுடியவில்லை.
குறைவான இடத்தில், ஒரே கூடாரத்துக்குள் பலர் தங்க வைக்கப்பட்டிருக்க, ஆண்கள் சிலர் தாக்குதல்களுக்கும், பெண்கள் உடல் ரீதியான வன்முறைகளுக்கும் ஆளாகியுள்ளார்கள்.
சிறு பிள்ளைகளுக்கு சரியான பாதுகாப்பின்றி, அவர்களும் அவர்களைக் குறித்து அவர்கள் பெற்றோரும் அச்சத்துடனேயே வாழ்ந்துவருகிறார்கள்.
பிரித்தானியாவிலிருந்து ஒரு நல்ல செய்தி
பிரித்தானிய இந்தியப் பெருங்கடல் பிரதேசமான Diego Garciaவின் ஆணையர், அவர்களை இலங்கைக்கே திருப்பி அனுப்பவேண்டும் என வாதம் முன்வைத்திருந்தார்.
ஆனால், அதை எதிர்த்து அவர்கள் நீதிமன்றம் சென்றார்கள். இந்நிலையில், நேற்று திங்கட்கிழமை, அவர்களுக்கு எதிரான வழக்கை பிரித்தானிய அரசு விலக்கிக்கொண்டுள்ளதாக உயர் நீதிமன்றத்தில் தெரிவிக்கப்பட்டுள்ளது.
ஆகவே, அவர்கள் பிரித்தானியாவுக்கு பயணிக்க தடை நீங்கியுள்ளது.
அந்த இலங்கைத் தமிழர்களில் சிலர் மருத்துவ சிகிச்சைக்காக ருவாண்டாவுக்கு அனுப்பப்பட்டுள்ள நிலையில், அவர்களும் பிரித்தானியாவுக்கு அழைத்துவரப்பட உள்ளார்கள்.
என்றாலும், அவர்களில் மூன்று பேர் மீது மட்டும் குற்றச்சாட்டுகள் உள்ளன. அவர்களுடைய நிலை மட்டும் தெரியவில்லை.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வண்ணார்பண்ணை, Leiden, Netherlands, Sutton, United Kingdom
06 Sep, 2021
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
