லங்காசிறி FM
பாஸ்போர்ட் கட்டணம் தொடர்பில் கனடா அரசு வெளியிட்டுள்ள முக்கிய அறிவிப்பு
கனடாவில், பாஸ்போர்ட் மற்றும் சில புலம்பெயர்தல் ஆவணங்களுக்கான கட்டணங்கள், இம்மாதம், அதாவது, மார்ச் மாதம் 31ஆம் திகதி முதல் உயர இருப்பதாக கனடா புலம்பெயர்தல், அகதிகள் மற்றும் குடியுரிமை அமைப்பு தெரிவித்துள்ளது.
பாஸ்போர்ட் கட்டணங்கள் உயர்கின்றன
பணவீக்கம், சேவை டெலிவரி கட்டணங்கள் மற்றும் கனடாவின் சேவை கட்டண சட்டத்தின்படி இந்த கட்டண உயர்வு அமுலுக்கு வருவதாக கனடா அரசு தெரிவித்துள்ளது.
கட்டண அதிகரிப்பு விவரங்கள்
கனடாவில் வாழ்வோருக்கான பாஸ்போர்ட் கட்டணங்களைப் பொருத்தவரை, 10 ஆண்டுகள் பயன்படுத்தப்படக்கூடிய வகையிலான பாஸ்போர்ட்டுக்கான கட்டணம், பெரியவர்களுக்கு, 160 டொலர்களிலிருந்து 163.50 டொலர்களாக உயர்கிறது.
5 ஆண்டுகள் பயன்படுத்தப்படக்கூடிய வகையிலான பாஸ்போர்ட்டுக்கான கட்டணம், பெரியவர்களுக்கு 120 டொலர்களிலிருந்து 122.50 டொலர்களாக உயர்கிறது.
இந்த வகையிலான சிறுவர்களுக்கான பாஸ்போர்ட் கட்டணம், 57 டொலர்களிலிருந்து 58.50 டொலர்களாக உயர்கிறது.
கனடாவுக்கு வெளியே வாழ்பவர்களைப் பொருத்தவரை, 10 ஆண்டுகள் பயன்படுத்தப்படக்கூடிய வகையிலான பாஸ்போர்ட்டுக்கான கட்டணம், பெரியவர்களுக்கு 260 டொலர்களிலிருந்து 266.25 டொலர்களாக உயர்கிறது.
5 ஆண்டுகள் பயன்படுத்தப்படக்கூடிய வகையிலான பாஸ்போர்ட்டுக்கான கட்டணம், பெரியவர்களுக்கு 190 டொலர்களிலிருந்து 194.25 டொலர்களாக உயர்கிறது.
இந்த வகையிலான சிறுவர்களுக்கான பாஸ்போர்ட் கட்டணம், 100 டொலர்களிலிருந்து 102.50 டொலர்களாக உயர்கிறது.
மேலும், பெரியவர்களுக்கான அகதி பயண ஆவணக் கட்டணம், 120 டொலர்களிலிருந்து 122.50 டொலர்களாகவும், பெரியவர்களுக்கான certificate of identity கட்டணம், 260 டொலர்களிலிருந்து 266.25 டொலர்களாகவும் உயர இருக்கிறது.
கனேடியர்கள் அவசரமாக பாஸ்போர்ட் பெற விரும்பினால், அதற்கான ‘அவசர’ கட்டணம், 110 டொலர்களிலிருந்து 125.75 டொலர்களாக உயர இருக்கிறது.
கனடாவின் சேவை கட்டண சட்டத்தின்படி (The Service Fees Act), பணவீக்கத்துக்கேற்ப, சில கட்டணங்களை ஆண்டுதோறும் அதிகரிக்க அனுமதி உள்ளது என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
பருத்தித்துறை, ஓமான், Oman, India, London, United Kingdom
06 Mar, 2024
பதுளை, புங்குடுதீவு 6ம் வட்டாரம், யாழ்ப்பாணம், Paris, France
28 Feb, 2026
நெடுந்தீவு மேற்கு 4ம் வட்டாரம், நெடுந்தீவு, பிரான்ஸ், France, London, United Kingdom, நல்லூர்
09 Feb, 2026
