லங்காசிறி FM
பிரித்தானியாவில் 4,000 பணியாளர்களை பணிநீக்கம் செய்யவுள்ள Tata JLR நிறுவனம்
Tata JLR to Cut 4,000 UK Jobs Amid Tariffs: பிரித்தானியாவில் 4,000 பணியாளர்களை பணிநீக்கம் செய்ய டாடா JLR திட்டமிட்டுள்ளது.
4,000 பணியாளர்கள் பணிநீக்கம்
இந்தியாவின் டாடா மோட்டார்ஸ் நிறுவனத்தின் கீழ் செயல்படும் Jaguar Land Rover (JLR), அடுத்த இரண்டு ஆண்டுகளில் 4,000 பணியாளர்களை பிரித்தானியாவில் பணிநீக்கம் செய்ய திட்டமிட்டுள்ளது.
விற்பனை குறைவு, அதிக செலவுகள் மற்றும் அமெரிக்காவின் புதிய வரி அழுத்தம் காரணமாக இந்த முடிவு எடுக்கப்பட்டுள்ளது.
JLR தற்போது பிரித்தானியாவில் 34,000 பணியாளர்களை வேலைக்கு அமர்த்தியுள்ளது. West Midlands மற்றும் Halewood, Merseyside பகுதிகளில் உள்ள தொழிற்சாலைகளில் பணிபுரியும் பணியாளர்கள் அதிகம் பாதிக்கப்பட உள்ளனர். மேலும், JLR-இன் செயல்பாடுகள் 120,000 வேலைகளை விநியோக சங்கிலியில் ஆதரிக்கின்றன.
2026 ஜூன் காலாண்டில் JLR வருவாய் 10 சதவீதம் குறைந்தது. லாபம் மூன்றில் இரண்டு பங்கு குறைந்து 109 மில்லியன்பவுண்டு ஆனது.
Tata Motors, JLR-ஐ நிதி ஒழுங்குமுறையில் வைக்க, 1.7 பில்லியன் பவுண்டு செலவுகளை குறைக்க திட்டமிட்டுள்ளது. Break-even point-ஐ 300,000 வாகனங்கள் வரை குறைக்க முயற்சி நடைபெறுகிறது.
டிரம்ப் வரி
அமெரிக்க ஜனாதிபதி டொனால்டு டிரம்ப், பிரித்தானியாவிலிருந்து இறக்குமதி செய்யப்படும் கார்கள் மீது 10 சதவீதம் வரி விதித்துள்ளார். வட அமெரிக்கா, JLR விற்பனையின் 29 சதவீதம் பங்கைக் கொண்டுள்ளது. இதனால் JLR-க்கு பெரிய சவால் உருவாகியுள்ளது.
JLR, சம்பளம் பெரும் (salaried) மற்றும் நிர்வாக (management) ஊழியர்களுக்கு தன்னார்வ பணிவிலகல் திட்டத்தை அறிவித்துள்ளது. பணியாளர்கள் மற்றும் தொழிற்சங்கங்களுடன் ஆலோசனை நடத்தப்பட்டு, விரைவில் அதிகாரப்பூர்வ அறிவிப்பு வெளியாக உள்ளது.
ஐரோப்பிய கார் நிறுவனங்கள் அனைத்தும் தற்போது விற்பனை குறைவு, அதிக செலவுகள் மற்றும் சீன கார் பிராண்டுகளின் போட்டி காரணமாக சிரமங்களை எதிர்கொள்கின்றன. Volkswagen கூட சமீபத்தில் 50,000 வேலைகளை குறைக்கும் restructuring திட்டத்தை அறிவித்துள்ளது.
பிரித்தானியாவில் Tata Group-இன் Tata Steel, Tata Consultancy Services, Agratas EV battery plant போன்றவை பெரிய முதலீடுகளை மேற்கொண்டு வருகின்றன. ஆனால் JLR-இன் வேலை இழப்பு, பிரித்தானியா ஆட்டோமொபைல் துறைக்கு பெரிய அதிர்ச்சியாகும்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
நல்லூர் கந்தசுவாமி கோவில் | Day 21
வண்ணார்பண்ணை, Leiden, Netherlands, Sutton, United Kingdom
06 Sep, 2021
புங்குடுதீவு 10ம் வட்டாரம், சென்னை, India, Toronto, Canada
09 Sep, 2023
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
