லங்காசிறி FM
குழந்தைகளின் உணவில் விஷம் கலந்த ஆசிரியர்! நிறைவேறிய தூக்கு தண்டனை
சீனாவின் ஜியோசுவோவில் உள்ள மழலையர் பள்ளி பெண் ஆசிரியை ஒருவருக்கு 25 குழந்தைகளுக்கு விஷம் கொடுத்ததற்காக தூக்கு தண்டனை நிறைவேற்றப்பட்டது.
பள்ளி குழந்தைகளின் உணவில் விஷம்
வாங் யுன் (39) என்ற பெண் ஆசிரியை நான்கு ஆண்டுகளுக்கு முன்பு தனது சக ஊழியருடன் ஏற்பட்ட தகராறு காரணமாக பழிவாங்கும் நோக்கில் மாணவர்களின் உணவில் விஷத்தை கலந்துள்ளார். இந்த உணவு இனிப்பு சுவை கொண்ட அரிசி சார்ந்த கஞ்சி ஆகும்.
வாங் தனது பள்ளி குழந்தைகளின் காலை உணவில் சோடியம் நைட்ரைட் எனப்படும் வேதிப்பொருளை கலந்துள்ளார்.
காலை உணவை சாப்பிட்ட பிறகு மாணவர்களுக்கு வாந்தி மற்றும் மயக்கம் ஏற்பட்டுள்ளது. 25 குழந்தைகளுக்கு உடல்நலக்குறைவு ஏற்பட்டு மருத்துவமனையில் அனுமதிக்கப்பட்டனர்.
இதில், கடந்த 2020 ஆம் ஆண்டு ஜனவரி மாதம் ஒரு குழந்தைக்கு உடல் உறுப்புகள் செயலிழந்து உயிரிழந்தார். மற்ற 24 குழந்தைகளின் உடல்நலம் மோசமாக இருந்தது.
ஆசியருக்கு தூக்கு தண்டனை வழங்கிய நீதிமன்றம்
மார்ச் 27, 2019 அன்று வாங் மீது குற்றம் சாட்டப்பட்டதை தொடர்ந்து போலீசார் விசாரணையைத் தொடங்கினர்.
இந்த வழக்கில் பெண் ஆசிரியர் வாங், கைது செய்யப்பட்டார். இதனையடுத்து, கடந்த 2020 ஆம் ஆண்டு ஹெனான் மாகாணத்தில் உள்ள ஜியாசுவோ நகர இடைநிலை மக்கள் நீதிமன்றம் அவருக்குக் தூக்குத் தண்டனையை வழங்கியிருந்தது.
ஆனால், ஆசிரியை தனது மரண தண்டனையை எதிர்த்து மேல்முறையீடு செய்தார். அவரது மேல்முறையீடு மனு நீதிமன்றத்தால் நிராகரிக்கப்பட்டது.
இந்நிலையில், கடந்த வியாழன் கிழமை அதே நீதிமன்றம் வாங்கின் அடையாளத்தை சரிபார்த்து, மரணதண்டனை நிறைவேற்றும் இடத்திற்கு அழைத்துச் சென்று மரண தண்டனையை நிறைவேற்றியது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
அல்லைப்பிட்டி, பிரான்ஸ், France
12 Nov, 2011
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
