அடித்துத் துன்புறுத்திய கணவன்: மனைவியும் தோழியும் செய்த பயங்கர செயல்

France

By Balamanuvelan Nov 21, 2022 10:30 AM GMT

Balamanuvelan

in பிரான்ஸ்

Report

பிரான்சில் தன் மனைவியை அடித்துத்துன்புறுத்திய கணவனை தன் தோழியின் உதவியுடன் கொன்று துண்டு துண்டாக்கி நதியில் வீசியுள்ளார் அவரது மனைவி.

Rouen என்ற நகரத்தில் வாழ்ந்து வந்த Celine Vasselin (35) தன் கணவரான Sliman Amaraவை தன் தோழியான Jessica Adamஉடன் இணைந்து கொலை செய்துள்ளார்.

கசந்த காதல்

திருமணமான புதிதில் Sliman நன்றாகத்தான் இருந்ததாகவும், குழந்தை பிறந்த பிறகு குடித்துவிட்டுத் தன்னைத் துன்புறுத்தத் துவங்கியதாகவும் தெரிவித்துள்ளார் Celine.

Sliman ஒரு நாள் தன்னை அடித்து, தன் கழுத்தில் கத்தியை வைத்து, தன் தலைமுடியைப் பிடித்து தரதரவென இழுத்துவந்ததாகவும், தன்னை வன்புணர்ந்ததாகவும், வீட்டில் கத்தி முனையில் பூட்டிவைத்ததாகவும் தெரிவித்துள்ளார் அவர்.

அடித்துத் துன்புறுத்திய கணவன்: மனைவியும் தோழியும் செய்த பயங்கர செயல் | Terrible Act By Wife And Friend

image - sudinfo

கொன்று துண்டுகளாக்கி நதியில் வீசிய பெண்கள்

ஒரு கட்டத்துக்கு மேல் இனி தன்னால் சமாளிக்க முடியாது என முடிவு செய்த Celine, தன் வாடிக்கையாளராக இருந்து தோழியான Jessicaவுடன் இணைந்து Slimanஐக் கொலை செய்துள்ளார்.

இருவருமாக Slimanக்கு போதைப்பொருள் கொடுத்து, கத்தியால் குத்திக் கொலை செய்து, அவரது உடலைத் துண்டு துண்டாக வெட்டி, பிளாஸ்டிக் கவர்களில் போட்டு Seine நதியில் வீசியிருக்கிறார்கள்.

தற்போது, Celineக்கு 22 ஆண்டுகளும், அவரது தோழியான Jessicaவுக்கு 17 ஆண்டுகளும் சிறைத்தண்டனை விதிக்கப்பட்டுள்ளது.