கொரோனா ஒரு உயிரி ஆயுதம் தான்... சிலர் அதை மறைக்க முயல்கிறார்கள்: பரபரப்பு குற்றச்சாட்டு

கொரோனா சீனாவால் உருவாக்கப்பட்ட ஒரு உயிரி ஆயுதம்தான், அதை நான் நீண்ட நாட்களாக கூறி வருகிறேன், உண்மை தெரிந்தும் அமெரிக்க அதிபரின் ஆலோசகர் அதை மறைக்க முயல்கிறார் என சீன வைரஸ் துறை நிபுணர் ஒருவர் அதிரடி குற்றச்சாட்டு ஒன்றை முன்வைத்துள்ளார்.

கொரோனா வைரஸ் தற்செயலாக விலங்குகளிடமிருந்து மனிதனுக்குப் பரவியது அல்ல, அது சீனாவின் வுஹான் ஆய்வகத்தில் உருவாக்கப்பட்ட உயிரி ஆயுதம் என்று கூறிவந்தவர்களில் முதன்மையானவர் சீன வைரஸ் துறை நிபுணரான Dr. Li-Meng Yan. சீனாவில் இருந்தால் கொல்லப்படுவோம் என பயந்து ஏப்ரல் மாதம் அமெரிக்காவுக்கு தப்பி வந்தார் அவர்.

அவர், கொரோனா வைரஸ் சீனாவின் கம்யூனிஸ்ட் கட்சி அரசால் உருவாக்கப்பட்ட ஒரு உயிரி ஆயுதம் என தொடர்ந்து கருத்து தெரிவித்துவந்த நிலையில், ட்விட்டர் முதலான சமூக ஊடகங்கள் அவரது கணக்கை முடக்கின, அவரது கருத்துக்கள் உண்மைக்கு புறம்பானவை என விமர்சித்து வந்தன.

Chinese virologist says, "there is a lot of useful information" in Dr. Fauci's emails - 'verifying my words from the beginning.' @Stinchfield1776. pic.twitter.com/AbfhWBGcmm

— Newsmax (@newsmax) June 3, 2021

 ஆனால், எதிர்பாராத திருப்பமாக, அமெரிக்காவின் புதிய அதிபராக பொறுப்பேற்றுக்கொண்ட ஜோ பைடன் சீனாவை கொரோனா வைரஸ் பரவல் குறித்து பதிலளிக்க வற்புறுத்தத் தொடங்கியதைத் தொடர்ந்து, Dr. Li-Meng Yan மீண்டும் கவனம் ஈர்க்கத் தொடங்கியுள்ளார்.

இதற்கிடையில், சீனா மீண்டும் மீண்டும் கொரோனா விலங்குகளிடமிருந்து மனிதர்களுக்கு பரவியதாக, பாடிய பாட்டையே பாடிக்கொண்டிருக்கிறது. இன்னொரு பக்கம், அமெரிக்க அதிபரின் மருத்துவ ஆலோசகராக இருக்கும் Dr. Anthony Fauciக்கு வந்த சுமார் 3,200 மின்னஞ்சல்கள் வெளியாகி பரபரப்பை ஏற்படுத்தி வருகின்றன.

அவற்றின்படி பார்த்தால், Dr. Anthony Fauciக்கு கொரோனா வைரஸ் ஆய்வகத்தில் உருவாக்கப்பட்டிருக்கலாம் என்பது குறித்து ஏற்கனவே தெரிந்திருக்கிறது.

ஆனால், அவற்றை மறைத்த அவர், கொரோனா வைரஸ் ஆய்வகத்தில் உருவாக்கப்பட்டிருக்க வாய்ப்பில்லை, அது விலங்குகளிடமிருந்து மனிதர்களுக்குப் பரவியிருக்கலாம் என்ற சீனாவின் பாட்டுக்கே பின்பாட்டு பாடிக்கொண்டிருந்திருக்கிறார்.

தற்போது Dr. Anthony Fauciயின் மின்னஞ்சல்கள் வெளியானதைத் தொடர்ந்து, இதைத்தான் தான் தொடர்ந்து கூறிவந்ததாகவும், கொரோனா வைரஸ் சீனாவின் கம்யூனிஸ்ட் கட்சி அரசால் உருவாக்கப்பட்ட ஒரு உயிரி ஆயுதம் என்பது அவருக்குத் தெரிந்தும், சீன கம்யூனிஸ்ட் கட்சிக்கு பயந்தும், தங்கள் சுய லாபத்துக்காகவும் அவர் அதை மறைக்க முயன்றதாகவும் மீண்டும் பகீர் குற்றச்சாட்டை முன்வைத்துள்ளார் Dr. Li-Meng Yan.