'உன்னை கேலி செய்பவர்களைப் பற்றி கவலைப்படாதே, ஒரு நாள்..,' இளம் வயது தனுஷுக்கு அவரே கூறிய அறிவுரை!

தி கிரே மேன் எனும் ஹாலிவுட் திரைப்படத்தில் நடுத்துள்ள தனுஷ், இளம் வயது தனுஷுக்கு ஒரு அறிவுரை வழங்கியுள்ளார்.

இந்தியா முழுவதும் உள்ள சினிமா ரசிகர்களின் மனதைக் கவர்ந்த தமிழ் சூப்பர் ஸ்டாராக தனுஷ், தற்போது தனது நடிப்புத் திறமையாலும், திரையுலக கவர்ச்சியாலும் ஹாலிவுட் திரையுலகினரைக் கவர்ந்து வருகிறார்.

ஹாலிவுட் ஆக்‌ஷன் படமான தி கிரே மேன் படத்தில் குறிப்பிடத்தக்க கதாபாத்திரத்தில் நடித்துள்ள நடிகர் தனுஷ், தனது திறமையால் அனைவரையும் கவர்ந்துள்ளார். படத்தில், தனுஷ் Avik San எனும் கொலையாளியாக - Lone Wolf என்றும் அழைக்கப்படுகிறார்.

ஜூலை 22-ஆம் திகதி Netflix OTT தளத்தில் வெளியான இப்படம் நல்ல வரவேற்பையும் விமர்சனத்தையும் பெற்றுவருகிறது.

இந்நிலையில், நெட்ஃபிக்ஸ் ஒரு வீடியோவைப் பகிர்ந்துள்ளது, அதில் தனுஷிடம், இளம் வயது தனுஷுக்கு நீங்கள் என்ன அறிவுரை கூறுவீர்கள்? என்ற கேள்விக்கு “உனது தோற்றத்திற்காக உன்னை கேலி செய்பவர்களைப் பற்றி கவலைப்படாதே. ஒரு நாள் ஒரு பெரிய ஹாலிவுட் ஹீரோ உன்னை தனது 'கவர்ச்சியான தமிழ் நண்பன்' (Sexy Tamil Friend) என்று அழைப்பார், என்று கூறுவேன்" என்று பதிலளித்தார்.

தி கிரே மேன் படத்தில் கிறிஸ் இவான்ஸ் தனுஷை ஒருமுறை அல்ல இரண்டு முறை தன்னை "Sexy Tamil Friend" என்று குறிப்பிட்டு இருக்கிறார்.

வீடியோவை இங்கே பாருங்கள்:

View this post on Instagram

A post shared by Netflix India (@netflix_in)

தி கிரே மேன் படத்தை ஆண்டனி மற்றும் ஜோ ருஸ்ஸோ இயக்கியுள்ளனர் மற்றும் ரியான் கோஸ்லிங், கிறிஸ் எவன்ஸ் மற்றும் அனா டி அர்மாஸ் ஆகியோர் முக்கிய வேடங்களில் நடித்துள்ளனர்.

வெரைட்டியின் அறிக்கையின்படி , தனுஷின் பாத்திரம் மற்றும் நடிப்பு குறித்து ரூசோ சகோதரர்கள் தங்களுக்கு வரும் பாராட்டுகளை அறியாமல் இல்லை. இதுகுறித்து அந்தோணி ரூசோ கூறுகையில், எனக்கு தெரிந்தவர்களிடம் இருந்து எனக்கு தொடர்ந்து மெசேஜ்கள் வருகின்றன, அவர்கள் அதிகமாக தனுஷை குறிப்பிடுகின்றனர் என்று கூறினார்

"நாங்கள் கதையை முன்னோக்கித் தொடர்ந்தால், தனுஷின் கதாபாத்திரம் அந்த உலகத்தின் ஒரு பகுதியாக இருக்கும் என்று நான் உங்களுக்கு உத்தரவாதம் அளிக்க முடியும்," என்று ஜோ ருஸ்ஸோ மேலும் கூறினார்.