லங்காசிறி FM
நன்றி சொன்ன நடிகர் விவேக்கின் மனைவி! இதை எப்போதும் நினைத்து பார்ப்போம் என உருக்கம்
Kaviarasan
in பொழுதுபோக்கு
நடிகர் விவேக்கின் குடும்பத்தினர் காவல்துறை, ஊடகத்தினர் மற்றும் ரசிகர்களுக்கு உருக்கமுடன் நன்றி தெரிவித்துள்ளனர்.
பிரபல காமெடி நடிகரான விவேக், மாரடைப்பு காரணமாக நேற்று முன் தினம் சென்னையில் இருக்கும் தனியார் மருத்துவமனையில் அனுமதிக்கப்பட்டார்.
அவருக்கு தீவிர சிகிச்சை அளிக்கப்பட்டு வந்த நிலையில், நேற்று அதிகாலை உயிரிழந்தார். இதையடுத்து அவரது உடலுக்கு திரைப்பிரபலங்கள், ரசிகர்கள் மற்றும் அரசியல் கட்சியை சேர்ந்தவர்கள் போன்றோர் அஞ்சலி செலுத்தினர்.
அதன் பின் அவரது உடல், நேற்று மாலை சென்னை, மேட்டுக்குப்பம் மின் மயானத்தில் தகனம் செய்ய எடுத்த செல்லப்பட்டது.
அப்போது அவருக்கு 78 குண்டுகள் முழங்க காவல்துறையினர் இறுதி மரியாதை செய்தனர். இதைத் தொடர்ந்து அவரது உடல் தகனம் செய்யப்பட்டது.
இந்நிலையில், நடிகர் விவேக்கின் குடும்பத்தினர் சற்று முன் செய்தியாளர்களை சந்தித்தனர்.
அப்போது அவரது மனைவி அருள்செல்வி, அனைவருக்கும் வணக்கம், கணவரை இழந்து நிற்கும் எங்கள் குடும்பத்திற்கு, பக்க பலமாகவும், ஒரு மிகப்பெரிய துணையாகவும் இருந்த மத்திய அரசுக்கும், மாநில அரசுக்கும் எங்கள் குடும்பம் சார்பாக மனமார்ந்த நன்றி தெரிவித்து கொள்கிறேன்.
மேலும், என் கணவருக்கு அரசு மரியாதை கொடுத்ததற்கு மிக்க நன்றி. இதை என்றுமே நாங்கள் நன்றியுடன் நினைத்துப் பார்ப்போம்.
நீங்கள் என் கணவருக்கு கொடுத்தது மிகப்பெரிய கவுரவம். குறிப்பாக காவல்துறை சகோதரர்களுக்கு மிக்க நன்றி சொல்லிக் கொள்கிறேன். நீங்கள் கடைசி வரை கூடவே இருந்தீர்கள். மிகவும் நன்றி.
ஊடகத்துறையில் உள்ள சகோதரர்கள் அனைவருக்கும் நன்றி. மேலும், உலகமெங்கும் மற்றும் இவ்வளவு தூரம் என் கணவரோடு கடைசி வரைக்கும் வந்த கோடான கோடி ரசிகர்களுக்கும் நன்றி என கூறினார்.
சுழிபுரம் மேற்கு, London, United Kingdom
21 Apr, 2024
வேலணை கிழக்கு, Cambridge, United Kingdom, கொலம்பஸ், United States
17 Apr, 2019
களுதாவளை, சாவகச்சேரி, மட்டக்களப்பு, London, United Kingdom
14 Apr, 2021