பிரித்தானியாவில் ஒரே பகுதியில் இருந்து மாயமான மூன்று இளம் வயதினர்: கவலையில் குடும்பத்தினர்

Missing Persons Crime

By Arbin Sep 24, 2024 08:28 AM GMT

Arbin

in ஐக்கிய இராச்சியம்

Report

கடந்த வாரம் ஹாம்ப்ஷயர் பகுதியில் அமைந்துள்ள அவர்களின் குடியிருப்புகளில் இருந்தே, மூன்று இளைஞர்களும் மாயமாகியுள்ளனர்.

மூன்று இளம் வயதினரும்

வார இறுதி நாட்களில் மூன்று இளைஞர்களும் மாயமாகியுள்ள நிலையில், இதுவரை அவர்கள் தொடர்பான தகவல் ஏதும் வெளியாகாததை அடுத்து, குடும்பத்தினர் கவலையில் ஆழ்ந்துள்ளனர்.

பிரித்தானியாவில் ஒரே பகுதியில் இருந்து மாயமான மூன்று இளம் வயதினர்: கவலையில் குடும்பத்தினர் | Three Missing Teens Increasingly Concerned

செப்டம்பர் 18ம் திகதி Eastleigh பகுதியில் அமைந்துள்ள குடியிருப்பில் இருந்து 14 வயதான ஷெல்லி வெளியே சென்றவர் இதுவரை வீடு திரும்பவில்லை. 13 வயதான ரோக்ஸானா சனிக்கிழமை Bursledon பகுதியில் உள்ள குடியிருப்பில் இருந்து வெளியே சென்றவர் இதுவரை திரும்பவில்லை.

இவர்களுடன் 15 வயதான ஜாக் Eastleigh பகுதியில் அமைந்துள்ள குடியிருப்பில் இருந்து மாயமாகியுள்ளார். மூன்று இளம் வயதினரும் ஒன்றாக பயணப்படலாம் என்றும், அவர்கள் லண்டனுக்கு சென்றிருக்கலாம் என்றும் பொலிசார் நம்புகின்றனர்.

உதவ முன்வர வேண்டும்

இவர்கள் மூவரின் பாதுகாப்பு தொடர்பில் அச்சம் கொள்வதாக ஹாம்ப்ஷயர் பகுதி பொலிசார் தெரிவித்துள்ளனர். இந்த மூவரையும் தனியாகவோ ஒன்றிணைந்தோ எவரேனும் காண நேர்ந்தால் விசாரணைக்கு உதவ முன்வர வேண்டும் என்றும் பொலிசார் கேட்டுக்கொண்டுள்ளனர்.