திருச்சி கிழக்கில் விரைவில் இடைத்தேர்தல்.., வாக்குச்சாவடிகளில் ஆட்சியர் நேரில் ஆய்வு

விஜய் ராஜினாமா செய்த திருச்சி கிழக்குத் தொகுதியில் இடைத்தேர்தல் முன்னேற்பாடுகள் குறித்து வாக்குச்சாவடிகளில் திருச்சி மாவட்ட ஆட்சியர் ஆய்வு மேற்கொண்டார்.

திருச்சி கிழக்கு இடைத்தேர்தல்

நடந்து முடிந்த 2026 சட்டமன்றத் தேர்தலில் தவெக தலைவர் ஜோசப் விஜய், சென்னை பெரம்பூர் மற்றும் திருச்சி கிழக்கு ஆகிய இரண்டு தொகுதிகளிலும் போட்டியிட்டு வெற்றி பெற்றார்.

சட்ட விதிகளின்படி, இரண்டு தொகுதிகளில் வெற்றி பெற்றவர் 14 நாட்களுக்குள் ஏதேனும் ஒரு தொகுதியை ராஜினாமா செய்ய வேண்டும்.

இதன்படி, சென்னை பெரம்பூர் தொகுதியைத் தக்கவைத்துக்கொண்டு, கடந்த மே 10, 2026 அன்று திருச்சி கிழக்குத் தொகுதி எம்எல்ஏ பதவியை விஜய் ராஜினாமா செய்தார்.

இத்தொகுதியில் இடைத்தேர்தல் நடத்துவதற்கான முன்னேற்பாட்டுப் பணிகளைத் தேர்தல் அதிகாரிகள் மேற்கொண்டு வருகின்றனர்.

இதன் ஒரு பகுதியாக, திருச்சி மாவட்ட ஆட்சியர் பிரதீப் தயாள், திருச்சி கிழக்குத் தொகுதியில் உள்ள வாக்குச்சாவடி மையங்களை நேரில் பார்வையிட்டு ஆய்வு செய்தார்.

வாக்குச்சாவடிகளில் குடிநீர், மின்சாரம், மாற்றுத்திறனாளிகளுக்கான சாய்தள வசதி மற்றும் போதிய வெளிச்சம் ஆகியவை குறித்து அதிகாரிகள் ஆய்வு செய்தனர்.

மேலும், பதற்றமான வாக்குச்சாவடிகளை கண்டறிந்து, அங்கு கூடுதல் போலீஸ் பாதுகாப்பு வழங்குவது மற்றும் சிசிடிவி கேமராக்கள் பொருத்துவது குறித்து ஆலோசிக்கப்பட்டது.

தேர்தல் ஆணையத்தின் விதிமுறைகளைப் பின்பற்றி, முன்னேற்பாட்டுப் பணிகளை விரைந்து முடிக்குமாறு மாவட்ட ஆட்சியர் அதிகாரிகளுக்கு உத்தரவிட்டார்.

இந்த இடைத்தேர்தலில் தவெக, திமுக, அதிமுக, நாதக மற்றும் இடதுசாரிக் கட்சிகளுக்கு இடையே கடும் போட்டி நிலவும் என எதிர்பார்க்கப்படுகிறது.