லங்காசிறி FM
மீண்டும் ஒரு ஆபத்தான காட்சியில் நடித்த Tom Cruise! வைரலாகும் புகைப்படங்கள்
உலகப் புகழ்பெற்ற ஹாலிவுட் நடிகரான Tom Cruise மீண்டும் ஒரு ஆபத்தான மற்றும் வித்தியாசமான சண்டைக் காட்சியில் நடித்து அசத்தியுள்ளார்.
பல ஹாலிவுட் பிளாக்பஸ்டர் படங்களில் தனது சொந்த ஸ்டண்ட்களை நிகழ்த்தியதற்காக பிரபலமாக அறியப்பட்ட நடிகர் டாம் குரூஸ், தற்போது 'Mission: Impossible 8' படத்தின் சண்டைக்காட்சிக்காக பறக்கும் விமானத்தின் இறக்கையில் தலைகீழாக தொங்கி நடித்துள்ளார்.
அவரது ஸ்டண்ட் விளையாட்டை அடுத்த கட்டத்திற்கு எடுத்துச் சென்ற டாம் குரூஸ், இந்த முறை 1941 Boeing B75N1 Stearman biplane விமானத்தின் இறக்கையில் அமர்ந்தபடி, சுமார் 2,000 அடி உயரத்தில் இந்த சாகச காட்சியை நிகழ்த்தியுள்ளார்.
இந்த வார தொடக்கத்தில் இங்கிலாந்தின் கேம்பிரிட்ஜ்ஷையரில் உள்ள டக்ஸ்ஃபோர்ட் ஏர்ஃபீல்டில் இந்த ஸ்டண்ட் காட்சி படம்பிடிக்கப்பட்டுள்ளது.
இந்த காட்சிகளின் சில புகைப்படங்கள் இணையத்தில் கசிந்துள்ள நிலையில், அவை மிகவும் வைரலாகிவருகின்றன.
OMG! ? Tom was seen hangs on wing of upside down war plane for 'Mission Impossible 8'
— тoм crυιѕe,ғacĸ yeaн (@TomCruiseFY) November 27, 2021
(November 26,2021) ✨ pic.twitter.com/jjjRvLj2Zl
டாம் குரூஸ், விமானத்தின் இறக்கையில் இருந்து தலைகீழாக தொங்குவது போல் காணப்பட்டார். தனது பாதுகாப்புக்காக பழுப்பு நிற ஜம்ப்சூட் மற்றும் ஹெல்மெட் அணிந்துள்ளார்.
குரூஸ் தனது 'Mission Impossible-8' படத்துக்காக பறக்கும் காட்சிகளை எடுத்து வருகிறார், இது 2022 ஜூலை 17-ஆம் திகதி அன்று வெளியிடப்பட உள்ளது.
