லங்காசிறி FM
இந்தியாவின் டாப் 10 பணக்கார கோயில்கள்.., பட்டியல் இதோ
கோயில்களுக்கு பக்தர்களின் வருகை, செலுத்தக்கூடிய காணிக்கை, கோயில்களின் சொத்து மதிப்பு அடிப்படையில் இந்த பட்டியல் வெளியாகியுள்ளது.
1. திருப்பதி ஏழுமலையான் கோயில், ஆந்திர பிரதேசம்
ஆந்திர மாநிலம் திருப்பதியில் அமைந்துள்ள ஏழுமலையான் கோயில் 108 திவ்ய தேசங்களில் ஒன்றாக விளங்குகிறது.
15 ஆம் நூற்றாண்டில் கட்டப்பட்ட இக்கோயிலுக்கு சொந்தமாக 3 லட்சம் கோடி அளவுக்கு சொத்துக்கள் உள்ளன. ஒரு நாளைக்கு சராசரியாக 50 ஆயிரம் பக்தர்கள் கோயிலுக்கு வந்து செல்கின்றனர்.
2. பத்மநாபசாமி கோயில், கேரளா
கேரள மாநிலம் திருவனந்தபுரத்தில் அமைந்துள்ள பத்மநாபசாமி கோயில் 108 திவ்ய தேசங்களில் ஒன்றாக உள்ளது.
பதினொன்றாம் நூற்றாண்டில் கட்டப்பட்ட இந்த கோயிலுக்கு சொந்தமாக 1.20 லட்சம் கோடி சொத்துக்கள் உள்ளன.
3. சபரிமலை ஐய்யப்பன் கோயில், கேரளா
கேரளாவில் அமைந்துள்ள புகழ்பெற்ற சபரிமலை ஐயப்பன் கோயில் சொத்து மதிப்பு 2023 ஆம் ஆண்டு நிலவரப்படி சுமார் 10,000 கோடி ரூபாய் என்று மதிப்பிடப்பட்டுள்ளது.
இந்த மதிப்பு கோயிலின் நிலங்கள், கட்டிடங்கள் மற்றும் பிற சொத்துக்களின் மதிப்பை அடிப்படையாகக் கொண்டது.
4. வைஷ்ணவி தேவி கோயில், ஜம்மு
ஜம்மு காஷ்மீரில் உள்ள ஒரு புகழ்பெற்ற சக்திவழிபாட்டு தலமான வைஷ்ணவி தேவி கோயில் கத்ரா நகரத்திற்கு அருகில் உள்ள மலையின் உச்சியில் அமைந்துள்ளது.
16 ஆம் நூற்றாண்டில் கட்டப்பட்ட இந்த கோயிலில் 1800 கிலோ தங்கம் உள்ளது-. 2000 கோடி ரொக்கம் கோயில் நன்கொடையாக பெறப்பட்டுள்ளது.
5. குருவாயூர் கிருஷ்ணன் கோயில், கேரளா
கேரள மாநிலம் திருச்சூர் மாவட்டத்தில் அமைந்துள்ள ஒரு புகழ்பெற்ற குருவாயூர் கிருஷ்ணர் கோயில் 11ஆம் நூற்றாண்டில் கட்டப்பட்டது.
65 ஏக்கர் பரப்பளவில் அமைந்துள்ள இந்த கோயிலின் பிரதான கோபுரம் 100 அடி உயரம் கொண்டது.
இந்த கோயிலுக்கு 1737 கோடி ரூபாய் அளவுக்கு வைப்புத் தொகை உள்ளது. கோயிலுக்கு சொந்தமாக 271 ஏக்கர் நிலம் உள்ளது.
6. அமிர்தசரஸ் பொற்கோயில், பஞ்சாப்
பஞ்சாப் மாநிலத்தின் அமிர்தசரஸ் நகரத்தில் 1577ஆம் ஆண்டு சீக்கிய மத குரு ராம் தாஸால் இக்கோயில் நிறுவப்பட்டது.
இந்த கோயிலில் 400 கிலோ தங்க மேற்கூரை அமைக்கப்பட்டுள்ளது. இக்கோயிலின் ஆண்டு வருவாய் 500 கோடியாக உள்ளது.
7. ஷீரடி சாய்பாபா கோயில், மகாராஷ்டிரா
மகாராஷ்டிர மாநிலம் ஷீரடியில் பளிங்கு கற்களால் அமைக்கப்பட்டுள்ள சாய்பாபா கோயில் இந்தியாவின் புகழ்பெற்ற வழிபாட்டு தளங்களில் ஒன்றாக உள்ளது.
இந்த கோயிலுக்கு கட்நத 2022ஆம் ஆண்டு ரூ. 400 கோடி அளவுக்கு நன்கொடை வந்துள்ளது. மேலும், ஒரு நாளைக்கு 22,000 பக்தர்கள் வருவதாக கூறுகின்றன.
8. மீனாட்சி அம்மன் கோயில், மதுரை
ஆன்மீகத் தளமான மதுரை மீனாட்சி அம்மன் கோயில் ரூ. 6 கோடி ஆண்டு வருவாயை கொண்டுள்ளது. மேலும், கோயிலுக்கு சொந்தமான பல்வேறு நிலங்கள் உள்ளது.
தினசரி சராசரியாக சுமார் 20,000 பக்தர்கள் வரை வந்து செல்லும் தளமாக விளங்குகிறது.
9. சித்தி விநாயகர் கோயில், மும்பை
மும்பை சித்தி விநாயகம் கோயில் இரண்டு நூற்றாண்டுகள் பழமை மிக்க, நாட்டின் செல்வம் மிக்க திருக்கோயில்களில் ஒன்றாக உள்ளது.
இங்குள்ள மூலவருக்கு 4 கிலோ தங்க அணிகலன்கள் உள்ளது. 125 கோடி ரூபாய் நிகர மதிப்பு உள்ளது. மேலும் தினசரி ரூ.30 லட்சம் வருமானம் பதிவாகியுள்ளது.
10. சோமநாதர் கோயில், குஜராத்
குஜராத் மாநிலத்தில் அமைந்துள்ள புகழ்பெற்ற சோமநாதர் கோயில், இந்தியாவில் உள்ள பன்னிரெண்டு புனித ஜோதிர் லிங்கங்களில் முதல் தலமாக உள்ளது.
கோயிலுக்கு சொந்தமாக 1700 ஏக்கர் நிலம் உட்பட பல்வேறு சொத்துக்கள் உள்ளது. கோயிலின் உட்புறத்தில் 130 கிலோ தங்கமும், அதன் கோபுரத்தில் 150 கிலோ தங்கமும் உள்ளது.
2023 ஆம் ஆண்டில், கோயில் அறக்கட்டளையின் கீழ் சுமார் 6 கிலோ தங்கம் டெபாசிட் செய்யப்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
