ரூ.45 கோடி முதல் ரூ.13 கோடி வருமானம்! இந்தியாவின் டாப் 6 பெண் யூடியூபர்கள் யார்?

யூடியூப் இன்று இந்தியாவில் ஒரு புரட்சிகரமான டிஜிட்டல் தளமாக உருவெடுத்துள்ளது.

பொழுதுபோக்கு, கல்வி, மற்றும் பலதரப்பட்ட உள்ளடக்கங்களை வழங்குவதன் மூலம் கோடிக்கணக்கானோரை சென்றடைகிறது.

இந்த டிஜிட்டல் யுகத்தில், பல திறமையான இந்தியப் பெண்கள் யூடியூப் சேனல்களை உருவாக்கி, அதன் மூலம் மிகப்பெரிய வருமானம் ஈட்டி சாதனை படைத்து வருகின்றனர்.

2024 ஆம் ஆண்டின் படி, இந்தியாவில் அதிக சம்பாதிக்கும் டாப் 6 பெண் யூடியூபர்களைப் பற்றி இந்த விரிவான கட்டுரையில் பார்க்கலாம்.

ஸ்ருதி அர்ஜுன் ஆனந்த்

அழகு, ஒப்பனை மற்றும் சரும பராமரிப்பு தொடர்பான வீடியோக்களை வழங்குவதில் முதலிடத்தில் இருப்பவர் ஸ்ருதி அர்ஜுன் ஆனந்த்.

இவரது சேனலுக்கு 1.20 கோடிக்கும் அதிகமான சப்ஸ்கிரைபர்கள் உள்ளனர்.

அழகு குறிப்புகள், மேக்கப் tutorials மற்றும் தயாரிப்பு விமர்சனங்கள் மூலம் இவர் ஆண்டுக்கு சுமார் ₹ 45 கோடி வரை வருமானம் ஈட்டுகிறார் என்று தகவல்கள் தெரிவிக்கின்றன.

ரஷ்யாவின் வார்த்தைகளில் நம்பிக்கை இல்லை! போர் நிறுத்த அறிவிப்பை கண்டிக்கும் ஜெலென்ஸ்கி

நிஷா மதுலிகா

சமையல் கலையில் தனது தனித்துவமான திறமையால் லட்சக்கணக்கான இல்லத்தரசிகளின் மனதை கவர்ந்தவர் நிஷா மதுலிகா.

வீட்டில் எளிமையாக செய்யக்கூடிய சுவையான உணவு recipes-ஐ தனது யூடியூப் சேனலில் பகிர்ந்து வருகிறார்.

இவருக்கு ஏராளமான ரசிகர்கள் உள்ளனர். இவரது ஆண்டு வருமானம் சுமார் ₹ 43 கோடி.

கோமல் பாண்டே

ஃபேஷன், ஸ்டைல் மற்றும் லைஃப்ஸ்டைல் தொடர்பான வீடியோக்களை 2017 ஆம் ஆண்டு முதல் பதிவிட்டு வரும் கோமல் பாண்டே, இளைஞர்களின் ஃபேஷன் தேர்வுகளில் பெரும் தாக்கத்தை ஏற்படுத்தியுள்ளார்.

இவரது தனித்துவமான உடை அலங்கார பாணி மற்றும் ஸ்டைலிங் டிப்ஸ் பலரையும் கவர்ந்துள்ளது.

இவர் ஆண்டுக்கு சுமார் ₹ 30 கோடி வரை வருமானம் ஈட்டுகிறார்.

பிரஜக்தா கோலி

அன்றாட வாழ்வில் நாம் சந்திக்கும் வேடிக்கையான மற்றும் நகைச்சுவையான சம்பவங்களை தனது கலகலப்பான வீடியோக்கள் மூலம் பிரதிபலித்து வருகிறார் பிரஜக்தா கோலி.

இவரது நகைச்சுவை உணர்வு மற்றும் யதார்த்தமான நடிப்பு பல மில்லியன் பார்வையாளர்களை கவர்ந்துள்ளது. இவர் ஆண்டுக்கு சுமார் ₹ 16 கோடி வரை சம்பாதிக்கிறார்.

அன்சிதா தீக்சித்

நகைச்சுவை மற்றும் பொழுதுபோக்கு வீடியோக்களை பதிவேற்றுவதில் அன்சிதா தீக்சித் தனக்கென ஒரு தனி முத்திரையை பதித்துள்ளார்.

இவரது நகைச்சுவை பாணி மற்றும் துணிச்சலான கருத்துக்கள் இளைஞர்களிடையே மிகவும் பிரபலம். இவர் தனது யூடியூப் சேனல் மூலம் ஆண்டுக்கு சுமார் ₹ 16 கோடி வரை வருமானம் ஈட்டுகிறார்.

நிகாரிகா சிங்

நிகாரிகா சிங் 'கேப்டன் நிக்' என்ற தனது யூடியூப் சேனலில் நகைச்சுவையான மற்றும் சுவாரஸ்யமான கதைகளை தனது தனித்துவமான பாணியில் சொல்வதன் மூலம் பார்வையாளர்களைக் கட்டிப்போடுகிறார்.

இவரது கதை சொல்லும் திறமை மற்றும் நகைச்சுவை உணர்வு இவருக்கு ஒரு பெரிய ரசிகர் பட்டாளத்தை பெற்றுத் தந்துள்ளது. இவரது ஆண்டு வருமானம் சுமார் ₹ 13 கோடி என மதிப்பிடப்பட்டுள்ளது.