லங்காசிறி FM
ஆங்கிலக்கால்வாயைக் கடக்க முயன்ற இந்தியருக்கு நேர்ந்த துயரம்
பிரான்சிலிருந்து ஆங்கிலக்கால்வாயைக் கடந்து பிரித்தானியாவுக்குள் நுழையும் முயற்சியில் இந்தியர் ஒருவர் பரிதாபமாக பலியாகியுள்ளார்.
ஆங்கிலக்கால்வாயைக் கடக்க முயன்ற இந்தியர் பலி
நேற்று, ஞாயிற்றுக்கிழமை காலை 5.30 மணியளவில், வடக்கு பிரான்சிலுள்ள Tardinghen என்னும் இடத்திலிருந்து ரப்பர் படகொன்றில் ஆங்கிலக்கால்வாயைக் கடக்க முயன்றுள்ளனர் புலம்பெயர்வோர் சிலர்.
புறப்பட்ட சிறிது நேரத்துக்குள்ளேயே அந்த ரப்பர் படகில் துவாரம் ஏற்பட்டுள்ளது.
தண்ணீரில் குதித்தவர்கள் நீந்திக் கரையேறியுள்ளார்கள். ஆனால் அனைவரிடமும் லைஃப் ஜாக்கெட் இல்லை.
கரைக்குத் திரும்ப முயன்றவர்களில் ஒருவர் இந்தியர். அவருக்கு திடீரென மாரடைப்பு ஏற்பட்டுள்ளது.
பிரெஞ்சு பொலிசார் அவருக்கு உயிர் காக்கும் சிகிச்சையளித்தும் அவரைக் காப்பாற்ற முடியாமல் போனதாக, அதிகாரிகள் வெளியிட்டுள்ள அறிக்கை ஒன்று தெரிவிக்கிறது.
அந்த இந்தியர் 40 வயதுடையவர் என்ற தகவல் தவிர்த்து, அவரைக் குறித்த வேறெந்த தகவலும் இப்போதைக்கு வெளியாகவில்லை.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
