லங்காசிறி FM
ஜேர்மனியில் தீப்பற்றி எரிந்த ரயில்: தவிர்க்கப்பட்ட உயிர்ச்சேதம்
ஜேர்மனியில் ரயில் ஒன்றில் திடீரென தீப்பற்றிய நிலையில், அதிர்ஷ்டவசமாக அதில் பயணிகள் அதிகம் இல்லாததால் பெரும் உயிர்ச்சேதம் தவிர்க்கப்பட்டது.
ஜேர்மனியில் தீப்பற்றி எரிந்த ரயில்
நேற்று ஞாயிற்றுக்கிழமை இரவு 9.50 மணியளவில் பெர்லினுக்கும் Brandenburg என்னுமிடத்துக்கும் இடையிலுள்ள Ahrensfelde என்னும் ரயில் நிலையத்திற்கு தீயணைப்பு வீரர்கள் அழைக்கப்பட்டுள்ளார்கள்
மூன்று பெட்டிகள் மட்டும் கொண்ட அந்த ரயில் புறப்படுவதற்கு சற்று முன் வெடிச்சத்தம் கேட்டதைக் கவனித்த ரயிலின் சாரதியும் அவரது உதவியாளரான பெண்ணொருவரும், ரயிலில் இருந்த ஐந்து பயணிகளை உடனடியாக வெளியேற்றியுள்ளார்கள்.
சற்று நேரத்தில் ரயில் தீப்பற்றியதுடன், ரயில் முழுமைக்கும் தீ பரவியுள்ளது. ரயில் முழுமையாக சேதமடைந்தபோதிலும், அதிலிருந்த யாருக்கும் எந்த பாதிப்பும் ஏற்படவில்லை.
எதனால் இந்த அசம்பாவிதம் நிகழ்ந்தது என்பதைக் கண்டறிவதற்காக பொலிசார் தீவிர விசாரணை மேற்கொண்டுவருகிறார்கள்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
