இளவரசர் ஆண்ட்ரூவைக் கவிழ்த்த முக்கோணக் காதல்

பிரித்தானிய மன்னர் சார்லசின் தம்பியான முன்னாள் இளவரசர் ஆண்ட்ரூ கைது செய்யப்பட்டதைத் தொடர்ந்து, அவரைக் குறித்து இதுவரை வெளிவராத பல தகவல்கள் தற்போது வெளியாகிவருகின்றன.

ஆண்ட்ரூ கைது

இளவரசர் ஆண்ட்ரூ, கடந்த வியாழக்கிழமை காலை கைது செய்யப்பட்டார். அவர், அதிகாரத்தை தவறாக பயன்படுத்தியதாக சந்தேகத்தின் பேரில் கைது செய்யப்பட்டதாக பொலிஸ் தரப்பில் கூறப்பட்டது. 

அமெரிக்க நீதித்துறை, வேலை தருவதாக வாக்களித்து, பருவம் எய்தாத சிறுமிகள் முதல், இளம்பெண்கள் வரை, ஏராளமானோரை சீரழித்த அமெரிக்கக் கோடீஸ்வரரான ஜெஃப்ரி எப்ஸ்டீன் என்னும் நபர் தொடர்பிலான ஆவணங்களை எப்ஸ்டீன் கோப்புகள் என்னும் பெயரில் வெளியிட்டுவரும் நிலையில், அந்த ஆவணங்களே இளவரசர் ஆண்ட்ரூ கைது செய்ய வழிவகுத்ததாக கருதப்படுகிறது.

ஆனால், எப்ஸ்டீனின் காதலியான கிஸ்லெய்ன் மேக்ஸ்வெல் என்னும் பெண்ணுக்கும் ஆண்ட்ரூவுக்கும் நெருக்கம் இருந்ததாகவும், எப்ஸ்டீன் மற்றும் கிஸ்லெய்னுடனான தொடர்பே ஆண்ட்ரூவின் வீழ்ச்சிக்குக் காரணமாக அமைந்திருக்கலாம் என தற்போது செய்திகள் வெளியாகிவருகின்றன. 

புதிய தகவல்கள்

எப்ஸ்டீன் என்னும் மோசமான நபருடன் ஆண்ட்ரூ நட்பு கொண்டிருந்ததாகவும், எப்ஸ்டீனுக்கு, மேக்ஸ்வெல் என்னும் காதலி இருந்ததாகவும்தான் இதுவரை செய்திகள் வெளியாகிவந்தன. 

ஆனால், கிஸ்லெய்ன் எப்ஸ்டீனை சந்திப்பதற்கு பல ஆண்டுகள் முன்பே, கிஸ்லெய்னுக்கும் ஆண்ட்ரூவுக்கும் உறவு இருந்ததாக தற்போது தகவல் வெளியாகியுள்ளது.

அதாவது, கல்லூரி காலம் தொட்டே ஆண்ட்ரூவுக்கு கிஸ்லெய்னை தெரியுமாம். 

லண்டன் பெண் ஒருவரை எப்ஸ்டீனிடம் சிக்க வைத்த ஆண்ட்ரூவின் முன்னாள் மனைவி

ஆக, இந்த செய்திகளுக்கு ஆதாரமாக, சில புகைப்படங்களும் தற்போது வெளியாகியுள்ளன. அவற்றில் ஆண்ட்ரூவும் கிஸ்லெய்னும் இணைந்து நிற்பதைக் காணலாம்.

அதேபோல, இந்த கிஸ்லெய்ன்தான் ஆண்ட்ரூவை எப்ஸ்டீனுக்கு அறிமுகம் செய்துவைத்தார் என்றும் செய்திகள் வெளியாகியுள்ளன.

ஆண்ட்ரூவுக்காக, எப்ஸ்டீனும் கிஸ்லெய்னும் கடத்திவந்த விர்ஜினியா என்னும் பெண்ணின் இடுப்பை அணைத்தவண்ணம் ஆண்ட்ரூ நிற்கும் புகைப்படத்திலும் கிஸ்லெய்ன்தான் நிற்கிறார். 

ஆக, ஆண்ட்ரூ கிஸ்லெய்னுடன் நெருக்கமாக இருக்க, கிஸ்லெய்ன் எப்ஸ்டீனுடன் நெருக்கமாக இருக்க, அந்த முக்கோணக் காதல்தான் ஆண்ட்ரூவின் வீழ்ச்சிக்கும் காரணமாக அமைந்திருக்கக்கூடும் என்கிறார்கள் ராஜகுடும்ப நிபுணர்கள்.