லங்காசிறி FM
ட்ரம்பின் மிகப்பெரிய ஆதரவாளரை பிரித்தானியாவின் பிரதமராக்க ரகசிய திட்டம்: MAGA இயக்கம் தீவிரம்
Arbin
in ஐக்கிய இராச்சியம்
வலதுசாரி அரசியல்வாதியான Nigel Farage-ஐ 2027ல் பிரித்தானியாவின் பிரதமராக்க முழு முயற்சிகளையும் முன்னெடுக்க இருப்பதாக டொனால்ட் ட்ரம்ப் சபதம் செய்துள்ளார்.
ஸ்டார்மரின் அரசாங்கம்
அமெரிக்க ஜனாதிபதி ட்ரம்பின் MAGA இயக்கமும் ஃபரேஜின் Reform UK கட்சிக்கும் இடையேயான ஒத்துழைப்பின் நிலை சமீபத்திய மாதங்களில் கணிசமாக அதிகரித்துள்ளது.
கசிந்துள்ள தகவல்களின் அடிப்படையில், பிரதமர் கெய்ர் ஸ்டார்மரின் அரசாங்கம் 2027 க்கு அப்பால் நீடிக்கும் என்று ட்ரம்ப் எதிர்பார்க்கவில்லை என்றே கூறப்படுகிறது.
அத்துடன், ட்ரம்ப் ஜனாதிபதி பொறுப்பில் இருக்கும்போதே ஃப்ராஜை பிரதமர் பதவிக்கு கொண்டுவர வேண்டும் என்றும் விரும்புகிறார். கடந்த வாரத்தில் வெளியிடப்பட்ட ஸ்டார்மர் அரசாங்கத்தின் நிதிநிலை அறிக்கையும், ஸ்டார்மரின் அரசாங்கம் தொடர்பான ட்ரம்பின் கருத்தை உறுதி செய்வதாகவும் குறிப்பிடுகின்றனர்.
Reform UK தரப்பில் இருந்து கசிந்த தகவலில், பிரித்தானியாவால் இனி தங்களுக்கு ஆதாயம் இல்லை என்ற முடிவுக்கு வந்த பிறகு, பண முதலைகள் விரைவில் ஸ்டார்மருக்கு கதவை மூடிவிடும் என்று ட்ரம்ப் நினைக்கிறார்.
அப்படியான ஒரு சூழல் வரும்போது அரசாங்கம் கவிழ்ந்து பொதுத் தேர்தல் நடைபெறும். அப்போது ஃபரேஜ் வெற்றி பெற்று நாட்டை தனது கட்டுப்பாட்டில் வைத்திருப்பதை உறுதிசெய்ய, திரைக்குப் பின்னால் தன்னால் முடிந்த அனைத்தையும் செய்ய ட்ரம்ப் விரும்புகிறார் என்றே தெரிய வருகிறது.
ட்ரம்ப் தீவிரம்
லண்டனில் அமைந்துள்ள தனியார் விடுதி ஒன்றில் வியாழக்கிழமை , இருதரப்பினரும் சந்தித்து திட்டங்கள் வகுத்துள்ளதாகவும் கூறப்படுகிறது. இந்த சந்திப்பில் ஃபரேஜுடன் அவரது ஆலோசகரும் கேம்பிரிட்ஜ் பேராசிரியருமான James Orr கலந்துகொண்டுள்ளார்.
இதில் Reform UK கட்சி கருத்துக் கணிப்பின் முன்னிலையை கீழ்சபை பெரும்பான்மையாக மாற்றுவது எப்படி என்பதை மையமாகக் கொண்டு ட்ரம்ப் மற்றும் ஃபரேஜ் முகாம்களுக்கு இடையிலான விவாதங்கள் நடந்துள்ளன.
மேலும், பிரித்தானியாவில் ஆட்சியைக் கைப்பற்றியதும் சந்தையை நிலைப்படுத்தும் பொருட்டு 100 பில்லியன் பவுண்டுகள் தொகையை திரட்டவும் முடிவு செய்துள்ளனர்.
ஃபரேஜை பிரித்தானியாவின் அடுத்த பிரதமராக்குவது என்பதில், ட்ரம்ப் தீவிரமாக இருப்பதாகவே தகவல் கசிந்துள்ளது. ஃப்ரேஜ் மீது மிகுந்த மதிப்பு வைத்துள்ள ட்ரம்ப், அவருக்கு தனது முழு ஆதரவையும் வழங்க இருக்கிறார்.
ஜே.டி.வான்ஸ் உள்ளிட்ட ட்ரம்பின் மிக நெருக்கமான வட்டாரத்திலும், ஃபரேஜ் மீதான நம்பிக்கை அதிகரித்துள்ளதாகவே தகவல் கசிந்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
