லங்காசிறி FM
ட்ரம்பால் கனடாவுக்கும் அமெரிக்காவுக்கும் ஏற்பட்டுள்ள பாதிப்பொன்று
ட்ரம்பின் வரி விதிப்புகள் மற்றும் கனடாவை அமெரிக்காவுடன் இணைப்பதாக மிரட்டல் ஆகிய விடயங்கள் இரு தரப்புக்கும் பாதிப்பை ஏற்படுத்தியுள்ளன.
ட்ரம்பால் ஏற்பட்டுள்ள பாதிப்பொன்று
குறிப்பாக, சுற்றுலாத்துறை கணிசமான அளவில் பாதிக்கப்பட்டுள்ளது. தங்களை மிரட்டும் ட்ரம்புக்காக அமெரிக்காவை புறக்கணிக்க முடிவு செய்துள்ளார்கள் கனேடியர்கள். அதனால் அமெரிக்காவுக்கு பாதிப்பு ஏற்பட்டுள்ளது.
அதேநேரத்தில், கனாடாவுடன் மோதல் என்பதால், கனடா சென்றால் தங்களுக்கு எப்படிப்பட்ட வரவேற்பு இருக்குமோ என, அமெரிக்கர்கள் கனடாவுக்கு சுற்றுலா வர தயங்குவதும் தெரியவந்துள்ளது.
மே மாதத்தில், கனடாவுக்கு காரில் சுற்றுலா வந்த அமெரிக்கர்கள் எண்ணிக்கை, கடந்த ஆண்டை ஒப்பிடும்போது, 10.7 சதவிகிதமும், விமானம் மூலம் வந்தவர்கள் எண்ணிக்கை 5.5 சதவிகிதமும் குறைந்துள்ளது.
இரு தரப்பும் மேற்கொள்ளும் முயற்சிகள்
ஆக, மீண்டும் சுற்றுலாப்பயணிகளை ஈர்ப்பதற்காக, இரு தரப்பும் முயற்சிகளை மேற்கொண்டுவருகின்றன.
கனடா சுற்றுலாத்துறை அமெரிக்கர்களை வரவேற்பதைக் காட்டும் விளம்பரங்களை வெளியிட்டுவருகிறது.
அதேபோல, அமெரிக்காவும் கனேடிய சுற்றுலாப்பயணிகளை மீண்டும் அமெரிக்காவுக்கு வரவேற்கும் வகையில் விளம்பரங்களை வெளியிட்டுவருகிறது.
அமெரிக்க சுற்றுலாத்தலங்கள் சில, கனேடியர்களுக்கு சிறப்பு சலுகைகளை அறிவித்துள்ளன. மொத்தத்தில் ட்ரம்பால் பிரச்சினை உருவானாலும், எப்படியாவது மீண்டும் சுற்றுலாப்பயணிகளை கவர்ந்திழுக்க இரு நாடுகளும் முயற்சிகளில் இறங்கியுள்ளன.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
புங்குடுதீவு 5ம் வட்டாரம், மானிப்பாய், வண்ணார்பண்ணை, Vaughan, Canada
05 Jun, 2025
புங்குடுதீவு 11ம் வட்டாரம், London, United Kingdom, அரியாலை
19 May, 2024
