லங்காசிறி FM
இரண்டாவது நேரலை விவாதம்... கமலா ஹாரிஸ் அழைப்பை நிராகரித்த ட்ரம்ப்
ஜனாதிபதி தேர்தலை முன்னிட்டு இரண்டாவது நேரலை விவாதத்திற்கு என துணை ஜனாதிபதி கமலா ஹாரிஸ் அழைப்பை முன்னாள் ஜனாதிபதி ட்ரம்ப் நிராகரித்துள்ளார்.
விவாதத்திற்கு மறுப்பு
எதிர்வரும் நவம்பர் மாதம் ஜனாதிபதி தேர்தல் முன்னெடுக்கப்பட இருக்கும் நிலையில், அக்டோபர் 23ம் திகதி இன்னொரு நேரலை விவாதத்திற்கு துணை ஜனாதிபதி கமலா ஹாரிஸ் ஒப்புக்கொண்டுள்ளார்.
ஆனால் வாக்குப்பதிவு ஏற்கனவே தொடங்கியுள்ளதை குறிப்பிட்டு, நேரலை விவாதத்திற்கு மறுப்பு தெரிவித்துள்ளார் முன்னாள் ஜனாதிபதி டொனால்டு ட்ரம்ப். இந்த மாத தொடக்கத்தில் நடந்த நேரலை விவாதத்தில் கமலா ஹாரிஸ் சிறப்பாக செயல்பட்டதாகவே மக்கள் கருத்தாக உள்ளது.
மட்டுமின்றி, இளைஞர்கள் அதிக எண்ணிக்கையில் கமலா ஹாரிஸுக்கு ஆதரவாக திரும்பியுள்ளதாகவும் தரவுகள் வெளியாகியுள்ளது. செப்டம்பர் 10ம் திகதி முன்னெடுக்கப்பட்ட நேரலை விவாதத்தை அடுத்து, இன்னொரு விவாதம் நடக்க வாய்ப்பில்லை என்றே ட்ரம்ப் தெரிவித்திருந்தார்.
கமலா ஹாரிஸ் முன்னிலை
ஆனால், கமலா ஹாரிஸுடனான விவாதத்தில் தாம் வெற்றிபெற்றுள்ளதாக குறிப்பிட்டுள்ள டொனால்டு ட்ரம்ப், இன்னொரு விவாதத்திற்கு போதுமான இடைவெளி இல்லை என தெரிவித்துள்ளார்.
மேலும், ஏற்கனவே மக்கள் வாக்களிக்கவும் தொடங்கியுள்ளனர் என குறிப்பிட்டுள்ள ட்ரம்ப், இன்னொரு விவாதத்திற்கு கமலா ஹாரிஸ் அழைப்பு விடுப்பது அவரது நிலை பரிதாபமாக இருப்பதன் காரணமாகத்தான் என்றார்.
ஆனால் செப்டம்பர் 10ம் திகதி நடந்த விவாதத்திற்கு பின்னர், வெளியான கருத்துக்கணிப்புகள் அனைத்திலும் கமலா ஹாரிஸ் லேசான முன்னிலைப் பெற்றார் என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ் நவாலி தெற்கு, Jaffna, பரிஸ், France, மெல்போன், Australia
21 Nov, 2024
தொண்டைமானாறு, காங்கேசன்துறை, London, United Kingdom
23 Nov, 2024
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
