2026 FIFA உலகக் கோப்பை கால்பந்து போட்டிகளின் இடத்தை மாற்றி விடுவேன்! டிரம்ப் எச்சரிக்கை

அமெரிக்க ஜனாதிபதி டொனால்ட் டிரம்ப் உலக கோப்பை கால்பந்து போட்டிகளை பாதுகாப்பற்ற நகரங்களில் இருந்து இடமாற்றம் செய்ய இருப்பதாக எச்சரித்துள்ளார்.

அமெரிக்க ஜனாதிபதி எச்சரிக்கை

2026 FIFA உலகக் கோப்பை கால்பந்து போட்டியை அமெரிக்கா, கனடா, மெக்சிகோ ஆகிய நாடுகள் இணைந்து நடத்தவுள்ளன

இந்நிலையில் அமெரிக்க ஜனாதிபதி டொனால்ட் டிரம்ப், அமெரிக்காவில் பாதுகாப்பற்ற நகரங்களாக தான் கருத்தும் இடங்களில் இருந்து 2026 FIFA உலகக் கோப்பை கால்பந்து போட்டியை இடம் மாற்றி விடுவேன் என்று எச்சரித்துள்ளார்.

FIFA President Gianni Infantino presents the President with the first official ticket to the 2026 World Cup Final.

“It’s row one, seat one… ticket number 45/47,” pic.twitter.com/CTQFdcay9c

— WION (@WIONews) August 22, 2025

இது தொடர்பாக வெள்ளை மாளிகையில் அவர் அளித்த பேட்டியில், குறிப்பிட்ட மைதானமோ அல்லது நகரமோ 2026 FIFA உலகக் கோப்பைக்கு அல்லது 2028 லாஸ் ஏஞ்சல்ஸ் ஒலிம்பிக் போட்டிகளுக்கு சிறிதளவு ஆபத்து ஏற்படுத்தும் என்று கருதினால் போட்டியை அந்த நகரங்களில் இருந்து மாற்றி விடுவதாக எச்சரித்துள்ளார்.

மேலும், அப்படிப்பட்ட நிலை ஏற்படாது என தான் நம்புவதாகவும் டிரம்ப் குறிப்பிட்டுள்ளார்.

🚨🇺🇸 TRUMP: WE’LL MOVE WORLD CUP GAMES IF BLUE CITIES AREN’T SAFE

"If I think it's not safe, we're gonna move it out of that city.

If any city we think is gonna be even a little bit dangerous for the World Cup or for the Olympics, for the World Cup in particular, since they're… https://t.co/38aNyn4IUh pic.twitter.com/Np0LzA7t3M

— Mario Nawfal (@MarioNawfal) September 25, 2025

ஜனாதிபதியின் இந்த எச்சரிக்கை சியாட்டில், நியூயார்க், லாஸ் ஏஞ்சல்ஸ் மற்றும் சான் பிரான்சிஸ்கோ ஆகிய ஜனநாயக கட்சியினரால் நிர்வகிக்கப்படும் முக்கிய நகரங்களை பாதிக்கும் என்பது குறிப்பிடத்தக்கது.

2026 FIFA உலகக் கோப்பை கால்பந்து போட்டி இந்த நகரங்களில் தான் நடத்த திட்டமிடப்பட்டுள்ளது என்பது குறிப்பிடத்தக்கது.

அமெரிக்காவில் பல வாகன விபத்தை ஏற்படுத்திய இந்தியர்: சட்டவிரோதமாக குடியேறியது அம்பலம்

ட்ரம்புக்கு அதிகாரம் உள்ளதா?

டிரம்பின் இந்த எச்சரிக்கைக்கு மத்தியில், 2026 FIFA உலகக் கோப்பை கால்பந்து போட்டியை மாற்றுவதற்கான அதிகாரம் ஜனாதிபதி டொனால்ட் டிரம்புக்கு உள்ளதா என்று தெளிவாக தெரிய வரவில்லை.

போட்டியை நடத்தும் FIFA கால்பந்து அமைப்பிற்கே போட்டி குறித்த முடிவை எடுக்கும் அதிகாரம் இருப்பது குறிப்பிடத்தக்கது.