லங்காசிறி FM
பெரும் நெருக்கடியை எதிர்கொள்ளும் பாகிஸ்தானின் நெருக்கமான நட்பு நாடு... விரிவான பின்னணி
பாகிஸ்தானின் மிக நெருக்கமான நட்பு நாடுகளில் ஒன்றான துருக்கி பெரும் நெருக்கடியை எதிர்கொண்டு வருகிறது.
வட்டி விகிதம்
இந்திய ரிசர்வ் வங்கி (RBI) ரெப்போ விகிதத்தில் 50 அடிப்படை புள்ளிகள் குறைப்பதன் மூலம் பொருளாதாரத்தை உயர்த்துவதற்கான ஒரு முக்கிய நடவடிக்கையை அறிவித்துள்ளது.
இந்த சமீபத்திய நடவடிக்கையால், இந்தியாவில் பாலிசி விகிதம் தற்போது 5.5 சதவீதமாக உள்ளது. ரெப்போ விகிதம் என்பது ரிசர்வ் வங்கி மற்ற வங்கிகளுக்குக் கடன் கொடுக்கும் விகிதமாகும்.
குறைந்த ரெப்போ விகிதம் என்பது வங்கிகளுக்கு ரிசர்வ் வங்கியிடமிருந்து மலிவான விகிதத்தில் பணம் கிடைக்கும் என்பதாகும். இதனால் வங்கிகளில் இருந்து கடன் வாங்கும் வாடிக்கையாளர்களுக்கு வட்டி விகிதம் குறைவாக இருக்கும்.
உலகளவில், ஆறு நாடுகள் மட்டுமே இந்தியாவை விட அதிக பாலிசி விகிதங்களைக் கொண்டுள்ளன. பாகிஸ்தானின் நெருங்கிய நட்பு நாடான துருக்கி, 46% வட்டி விகிதத்துடன் பட்டியலில் முதலிடத்தில் உள்ளது - இது உலகிலேயே மிக உயர்ந்த சதவீதமாகும்.
2018 முதல் துருக்கி கடுமையான பொருளாதார நெருக்கடிகளை எதிர்கொண்டு வருகிறது. அமெரிக்காவுடனான அரசியல் பதட்டங்கள் காரணமாக துருக்கிய லிரா சரிந்த ஆகஸ்ட் 10, 2018 அன்று நெருக்கடி தொடங்கியது.
அடுத்த 47 நாட்களுக்குள், டொலருக்கு எதிராக லிராவின் மதிப்பு 35% குறைந்தது. இது பங்குச் சந்தை வீழ்ச்சிக்கு வழிவகுத்ததுடன் வங்கியில் இருந்து கடன்களை வாங்க முடியாத சூழலை உருவாக்கியது.
பொருளாதாரத் தடைகள்
மட்டுமின்றி, அப்போதைய அமெரிக்க ஜனாதிபதி டொனால்ட் ட்ரம்பின் பொருளாதாரத் தடைகள் துருக்கியின் பொருளாதாரப் பிரச்சினைகளை மேலும் நெருக்கின, அன்றிலிருந்து அந்த நாடு போராடி வருகிறது.
துருக்கியை அடுத்து 29 சதவீத பாலிசி விகிதங்களுடன் அர்ஜென்டினா உள்ளது. நீண்டகால பணவீக்கத்தை எதிர்த்துப் போராடி வருகிறது. உக்ரைனுடன் போர் தொடுத்து வரும் ரஷ்யா 20 சதவீத பாலிசி விகிதம் வைத்துள்ளது.
பிரேசில் 14.75 சதவீதமும், மெக்சிகோ 8.5 சதவீதமும் தென்னாப்பிரிக்கா 7.25 சதவீதமும் கொண்டுள்ளது. ஆனால் முஸ்லிம் பெரும்பான்மை நாடான இந்தோனேசியாவில் இந்தியா போன்று 5.5 சதவீதம் மட்டுமே பாலிசி விகிதமாக உள்ளது.
மிகக் குறைவான பாலிசி விகிதம் கொண்ட நாடுகள்: சவுதி அரேபியா (5%), அமெரிக்கா (4.5%), பிரித்தானியா (4.25%), அவுஸ்திரேலியா (3.85%), சீனா (3%), கனடா (2.75%), தென் கொரியா (2.5%), யூரோ மண்டலம் (2.15%), சிங்கப்பூர் (1.46%), ஜப்பான் (0.5%), மற்றும் சுவிட்சர்லாந்து (0.25%).
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
உடுவில் தெற்கு, Stuttgart, Germany, Scarborough, Canada
10 Jun, 2025
புங்குடுதீவு 7ம் வட்டாரம், London, United Kingdom
30 Jun, 2012
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
திருகோணமலை, மூதூர், புதுக்குடியிருப்பு, பருத்தித்துறை, Catford, United Kingdom
13 Jun, 2015
மட்டுவில் கிழக்கு, டென்மார்க், Denmark, Mississauga, Canada
07 Jun, 2025
