லங்காசிறி FM
நாளை வெளியாகும் தவெக வேட்பாளர் பட்டியல் - ஒரே நாளில் சென்னையில் 5 இடங்களில் விஜய் பிரச்சாரம்
நாளை தவெக வேட்பாளர் பட்டியல் வெளியாக உள்ள நிலையில், நாளை மறுநாள் சென்னையில் ஒரே நாளில் 5 இடங்களில் விஜய் பிரச்சாரம் மேற்கொள்ள உள்ளார்.
தவெக வேட்பாளர் பட்டியல்
விஜய்யின் தமிழக வெற்றி கழகம், 2026 தமிழ்நாடு சட்டமன்ற தேர்தலுக்கான பணிகளை தீவிரப்படுத்தியுள்ளது.
234 தொகுதிகளிலும் தவெக தனித்து போட்டியிட உள்ள நிலையில், போட்டியிட விருப்பமனு அளித்தவர்களிடம் தவெக தலைவர் விஜய் நேர்காணல் நடத்தினார்.
இதனையடுத்து வேட்பாளர்களை தேர்வு செய்யும் பணி, தவெக பொதுச்செயலாளர் ஆனந்த் தலைமையில் நடைபெற்றது.
தற்போது வேட்பாளர் பட்டியலை இறுதி செய்யும் பணியில், தவெக தலைவர் விஜய் உள்ளார்.
நாளை மாமல்லபுரத்தில் உள்ள தனியார் விடுதியில் வைத்து 234 தொகுதிகளுக்குமான வேட்பாளர் பட்டியலை தவெக தலைவர் விஜய் வெளியிடுவார் என கூறப்படுகிறது.
தவெக தலைவர் விஜய் பெரம்பூரில் போட்டியிட உள்ளார். செங்கோட்டையன் கோபி செட்டிபாளையத்திலும், ஆதவ் அர்ஜூனா வில்லிவாக்கத்திலும் போட்டியிட உள்ளதாக கூறப்படுகிறது.
சென்னையில் ஒரே நாளில் 5 இடங்களில் பிரச்சாரம்
இதனையடுத்து, நாளை மறுநாளே தேர்தல் பிரச்சாரத்தை தொடங்க உள்ளதாக கூறப்படுகிறது. தான் போட்டியிடும் பெரம்பூரில் இருந்து தனது பிரச்சாரத்தை தொடங்க உள்ளார்.
காலை 10 மணிக்கு பெரம்பூர் MKB நகரில் 10 மணிக்கு பிரச்சாரத்தை தொடங்கி, அதை தொடர்ந்து, கொளத்தூரில் மதியம் 1 மணி, வில்லிவாக்கத்தில் மதியம் 2 மணி, அண்ணா நகரில் 3 மணி, விருகம்பாக்கத்தில் மாலை 5 மணி என ஒரே நாளில் 5 இடங்களில் பிரச்சாரம் மேற்கொள்ள திட்டமிட்டுள்ளார்.
இது தொடர்பாக சம்மந்தப்பட்ட அதிகாரிகளிடம் அனுமதி கோரி கடிதம் வழங்கப்பட்டுள்ளது. இந்த கடிதத்தில், ஒவ்வொரு பகுதியிலும் 3,000 பேர் கலந்து கொள்வார்கள் என்று கூறப்பட்டுள்ளது.
அதேவேளையில், விஜய்யை காண அதிகளவிலான மக்கள் குவிந்தால் அதை எப்படி கையாள்வது என்பது குறித்து காவல்துறையினர் ஆலோசனை மேற்கொண்டு வருகின்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 4ம் வட்டாரம், பரிஸ், France, சூரிச், Switzerland
10 Apr, 2022
பதுளை, புங்குடுதீவு 6ம் வட்டாரம், யாழ்ப்பாணம், Paris, France
28 Feb, 2026
வேலணை கிழக்கு, கந்தர்மடம், யாழ்ப்பாணம், திருகோணமலை, Markham, Canada
23 Feb, 2026
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
