தமிழக முதல்வர் ஸ்டாலினின் டெல்லி பயணம்: டுவிட்டரில் டிரண்டாகும் #StalinGoBacktoModi
இந்திய பிரதமர் நரேந்திர மோடியை சந்திக்க தமிழக முதல்வர் மு.க ஸ்டாலின் டெல்லி சென்றடைந்துள்ள நிலையில் டுவிட்டரில் #StalinGoBacktoModi என்ற ஹேஷ் டேக் இந்தியளவில் டிரண்டாகி வருகிறது.
சட்டமன்ற தேர்தலில் தி.மு.க. வெற்றி பெற்றதையடுத்து தமிழகத்தின் முதல் அமைச்சராக கடந்த மாதம் (மே) 7-ந் திகதி மு.க.ஸ்டாலின் பதவி ஏற்றார்.
மாநிலம் முழுவதும் கொரோனா தொற்று பரவல் அதிகம் இருந்ததால், ஆக்சிஜன், கொரோனா தடுப்பூசி மற்றும் மருந்துகள் தேவை பற்றி பிரதமர் நரேந்திர மோடிக்கு முதல்-அமைச்சர் மு.க.ஸ்டாலின் கடிதங்கள் எழுதி வந்தார்.
#StalinGoBacktoModi
— கன்பூசியஸ் (@Dummybavaa) June 17, 2021
When go back modi becomes going to meet modi...ups parithabangal 😂😂😂 pic.twitter.com/ko57vptzh1
தமிழகத்தில் தற்போது மத்திய அரசு தொடர்புடைய ‘நீட்’ தேர்வு பிரச்சினை, ஹைட்ரோ கார்பன், 7 பேர் விடுதலை ஆகியவை தலைதூக்குகின்றன. மேலும், தற்போது தமிழகத்தில் செலவீனம் அதிகரித்து வரும் நிலையில், தமிழகத்திற்கு மத்திய அரசு தர வேண்டிய ஜி.எஸ்.டி. பாக்கித்தொகை தேவைப்படுகிறது.
இந்நிலையில், தமிழ்நாடு முதல்-அமைச்சராக பதவி ஏற்ற பிறகு முதல் முறையாக முக ஸ்டாலின் இன்று டெல்லி புறப்பட்டு சென்றார்.
#StalinGoBacktoModi
— saravananparasuraman🇮🇳 (@saravanansoel) June 17, 2021
If our finance minister continuously talking like this, we will have to pay heavy price for that.
இன்று காலை 7.30 மணியளவில் தனி விமானத்தின் மூலம் முக ஸ்டாலின் டெல்லி புறப்பட்டு சென்றார். 2 நாள் பயணத்தின் போது இன்று மாலை 5 மணி அளவில் தமிழ்நாடு முதல்-அமைச்சர் முக ஸ்டாலின் பிரதமர் மோடியை சந்திக்கிறார்.
இந்த சந்திப்பின் போது, தமிழ்நாட்டிற்கான திட்டங்கள் மற்றும் கோரிக்கைகள் அடங்கிய மனுவை பிரதமரிடம் அவர் கொடுக்கிறார். இந்த பயணத்தின் போது முதல்-அமைச்சர் முக ஸ்டாலினுடன் அவரது மனைவி துர்கா ஸ்டாலின் மற்றும் முதல்-அமைச்சரின் தனிச்செயலாளர் உமாநாத் ஐஏஎஸ், முதன்மை செயலாளர் உதயச்சந்திரன் ஐஏஎஸ் ஆகியோரும் டெல்லி சென்றுள்ளனர்.
இந்த நிலையில் டுவிட்டரில் #StalinGoBacktoModi என்ற டேக் இந்தியளவில் டிரண்டாகி வருகிறது.
அதாவது மோடி தமிழகம் வரும் போதெல்லாம் திமுக ஆதரவாளர்கள் #GoBackModi என்ற டேக்கை டிரண்ட் செய்வது வழக்கம்.
இந்த நிலையில் ஸ்டாலின் திரும்ப மோடியிடம் செல்லுங்கள் என கூறும் வகையில் பாஜக ஆதரவாளர்கள் #StalinGoBacktoModi என்ற டேக்கை டிரண்ட் செய்து வருகின்றனர்.
#StalinGoBacktoModi Atlast #stalin_total_surrender
— Bharat (@bjpsmtn1) June 17, 2021