லங்காசிறி FM
விஜயின் அரசியல் மாநாடு எப்படி இருந்தது? துணை முதலமைச்சர் உதயநிதி பதில்
தமிழக வெற்றி கழகத்தின் மாநாடு நடைபெற்று முடிந்த நிலையில் துணை முதலமைச்சர் உதயநிதி ஸ்டாலின் கருத்து தெரிவித்துள்ளார்.
உதயநிதி பதில்
கடந்த ஒக்டோபர் 27 -ம் திகதி அன்று தமிழக வெற்றி கழகத்தின் மாநாடு விக்கிரவாண்டியில் பிரம்மாண்டமாக நடைபெற்று முடிந்தது. இந்த மாநாட்டில் லட்சக்கணக்கான தொண்டர்கள் கலந்து கொண்டனர்.
இக்கட்சியின் தலைவர் விஜய், தமிழக வெற்றி கழக கட்சியின் கொள்கைகள் மற்றும் செயல்திட்டங்களை அறிவித்தார். இதையடுத்து, அரசியல் தலைவர்கள் உள்ளிட்ட பலரும் விஜயை விமர்சித்து வருகின்றனர்.
மாநாட்டில் விஜய் பேசுகையில், பெரியார், அண்ணா பெயரை சொல்லிவிட்டு திராவிட மாடல் என்ற பெயரில் ஒரு குடும்பம் கொள்ளையடிக்கிறது என்று நேரடியாக திமுகவை தாக்கி பேசினார். இதனால், சமூக வலைதளங்களில் திமுகவினர் விஜயை தாக்கி கருத்துக்களை பதிவிட்டு வருகின்றனர்.
இந்நிலையில், விஜயின் மாநாடு குறித்து துணை முதலமைச்சர் உதயநிதியிடம் செய்தியாளர்கள் கேள்வி எழுப்பினர்.
அதற்கு பதிலளித்த அவர், "எல்லாவற்றுக்கும் எங்களின் அமைப்பு செயலாளர் ஆர்.எஸ்.பாரதி பதிலளித்துள்ளார். அதற்கு மேல் பதில் சொல்ல விரும்பவில்லை" என்று ஒற்றை வரியில் கூறினார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
கரம்பொன், யாழ்ப்பாணம், அக்கரைப்பற்று, Scarborough, Canada
13 Jul, 2026
சாரையடி, வத்தளை, Riyadh, Saudi Arabia, North York, Canada
14 Jul, 2026
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026