அடுத்தடுத்து ராஜினாமா செய்த 4 உதவியாளர்கள்! அதிர்ச்சியில் பிரித்தானிய பிரதமர்..

பிரித்தானியாவில் பிரதமர் அலுவலகத்தில் போரிஸ் ஜான்சனின் உயர்மட்ட உதவியாளர்கள் நான்கு பேர், சிலமணிநேரங்களில் அடுத்தடுத்து ராஜினாமா செய்திருப்பது பெரும் அதிர்ச்சியை ஏற்படுத்தியுள்ளது.

நேற்று மாலை, பிரதமர் போரிஸ் ஜான்சனிடம் 14 வருடங்கள் உதவியாளராக பணியாற்றிவந்த, No.10 (பிரதமர் அலுவலகத்தின்) பாலிசி பிரிவின் இயக்குநராக இருந்த முனிரா மிர்சா (Munira Mirza) திடீர் ராஜினாமா செய்தார்.

அவரது கடிதத்தில், ஜிம்மி சாவிலை (Jimmy Savile) நீதியிலிருந்து தப்பிக்க அனுமதித்ததற்கு தொழிற்கட்சி தலைவர் கெய்ர் ஸ்டார்மர் (Sir Keir Starmer) தனிப்பட்ட முறையில் பொறுப்பு என்று இந்த வாரம் நீங்கள் குறிப்பிடுவது தவறு என்று நான் நம்புகிறேன். அந்தக் கூற்றுக்கு நியாயமான அல்லது நியாயமான அடிப்படை எதுவும் இல்லை என்று அவர் கூறியிருந்தார்.

அவர் வெளியேறிய சிறிது நேரத்திலேயே தகவல் தொடர்பு இயக்குநர் ஜாக் டாய்ல் (Jack Doyle) தனது ராஜினாமாவை உறுதிப்படுத்தினார்.

முனிரா மிர்சா, டான் ரோசன்ஃபீல்ட், மார்ட்டின் ரெனால்ட்ஸ் மற்றும் ஜாக் டாய்ல். PC: PA/Rex

அவர்களைத் தொடர்ந்து தலைமை அதிகாரி டான் ரோசன்ஃபீல்டு (Dan Rosenfield) மற்றும் மூத்த அரசு ஊழியர் மார்ட்டின் ரெனால்ட்ஸ் (Martin Reynolds) ஆகியோர் வெளியேறினர்.

தலைமை உதவியாளர்களின் ராஜினாமாக்கள் பிரதமர் போரிஸ் ஜான்சன் தனது கட்சிக்குள்ளேயே அவரது தலைமைத்துவம் குறித்து கேள்வி அதிகரித்து வருகிறது.

ராஜினாமா குறித்து ஊழியர்களிடம் பேசிய டாய்ல், இரண்டு ஆண்டுகளுக்குப் பிறகு வெளியேற நினைத்திருந்தாகவும், அனால் "சமீபத்திய வாரங்கள் எனது குடும்ப வாழ்க்கையில் பயங்கரமான பாதிப்பை ஏற்படுத்தியுள்ளது" என்று கூறினார்.

ரோசன்ஃபீல்ட் தனது ராஜினாமாவை வியாழனன்று பிரதமரிடம் வழங்கியதாகவும், ஆனால் அவரது பொறுப்பில் வேறொருவர் நியமிக்கப்படும் வரை தொடர்ந்து இருப்பதாகவும் கூறினார்.

பிரதம மந்திரியின் முதன்மை தனிப்பட்ட செயலாளரான ரெனால்ட்ஸ் அதையே செய்யவுள்ளார். ஆனால் பின்னர் வெளியுறவு அலுவலகத்தில் ஒரு பொறுப்பிற்கு திரும்பவுள்ளதாக கூறப்படுகிறது.

பிரதமர் போரிஸ் ஜான்சன் மீதான அழுத்தம் அதிகரித்துவரும் நிலையில், டவுனிங் தெருவிலிருந்து சில மணிநேரங்களில் அடுத்தடுத்து நான்கு உதவியாளர்கள் வெளியேறியது பிரித்தானியாவில் பெரும் அதிர்ச்சியை ஏற்படுத்தியுள்ளது.