லங்காசிறி FM
பிரித்தானிய சூப்பர் மார்க்கெட்டுகளில் வெண்ணெய் விலை திடீர் அதிகரிப்பு
பிரித்தானிய சூப்பர் மார்க்கெட்டுகளில் வெண்ணெய் விலை கடந்த மாதத்தில் 21 சதவீதம் வரை உயர்ந்துள்ளது.
அத்தியாவசிய உணவுப்பொருட்களில் ஒன்றான வெண்ணெயின் திடீர் விலை உயர்வு என்பது பிரித்தானியர்கள் வாழ்க்கை செலவில் மேலும் ஒரு சிக்கலை உருவாக்கியுள்ளது என்று அர்த்தம்.
The Grocer என்னும் வர்த்தக இதழின் தகவல்படி, நவம்பர் 13 வரை 5 வாரங்களில், முக்கிய சூப்பர்மார்க்கெட்களில் உள்ள 117 வகை வெண்ணெய் தயாரிப்புகளில் 37-ற்கு விலை உயர்வு ஏற்பட்டுள்ளது.
உலகில் பிரபலமான பிராண்டுகளை இதுவே அதிகமாக பாதித்துள்ளது. உதாரணமாக, Trewithen Salted Block Butter 250g Tesco-வில் 20.8% உயர்ந்து £2.40-ல் இருந்து £2.90 ஆகிவிட்டது.
அதேபோல், All Things Butter Garlic & Herb Butter 125g விலை வெய்ட்ரோஸில் 20% உயர்ந்தது. Country Life British Salted 250g மற்றும் Unsalted Butter 250g ஆகியவை செயின்ஸ்பெரியில் 13% உயர்ந்துள்ளன.
சூப்பர்மார்க்கெட் பிராண்ட்களின் தயாரிப்புகளுக்கும் விலை உயர்வுகள் ஏற்பட்டுள்ளன. உதாரணமாக, Asda-வின் 250g வெண்ணெய் விலை 6% உயர்ந்து £1.92 ஆக உயர்ந்துள்ளது.
அதேபோல், Sainsbury, Tesco, Morrisons, Aldi மற்றும் Lidl ஆகியவற்றில் 250g வெண்ணெய் விலை £1.79-ல் இருந்து £1.89 ஆக உயர்ந்துள்ளது.
இந்நிலையில், பால் மற்றும் க்ரீம் உற்பத்தியில் ஏற்பட்ட சிக்கல்கள் விலை உயர்வுக்குக் காரணம் என கூறப்படுகிறது.
மோசமான வானிலை கால்நடைகளை பாதித்ததால் க்ரீம் விலையும் 7% உயர்ந்துள்ளது.
பிரிட்டிஷ் ரீட்டெயில் கன்சார்சியம் பொருளாதார நிபுணர் ஹர்விர் தில்லான், "வசந்தத்தில் பால் வழங்கல் அதிகரிக்கும் நேரத்தில் விலை நிலைத்திருக்க வாய்ப்பு உள்ளது," என்று தெரிவித்துள்ளார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
UK Butter price, Price of butter soaring in UK supermarkets, UK cost of living
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
