லங்காசிறி FM
பிரித்தானியா பொதுத்தேர்தல் 2024: களத்திலிருக்கும் முக்கிய வேட்பாளர்கள் யார் யார்?
பிரித்தானியாவில், இம்மாதம், அதாவது ஜூலை மாதம் 4ஆம் திகதி, பொதுத்தேர்தல் நடைபெற உள்ளது. தேர்தல் களத்தில் முக்கிய வேட்பாளர்களாக ரிஷி சுனக்கும், கெய்ர் ஸ்டார்மரும் இருப்பது அனைவரும் அறிந்ததே. ஆனால், களத்திலிருப்பது அவர்கள் மட்டுமல்ல.
ஆக, பிரித்தானிய பொதுத்தேர்தலில் போட்டியிடும் முக்கிய கட்சிகள், அவற்றின் தலைவர்கள் யார் யார் என பார்க்கலாம்.
கன்சர்வேட்டிவ் கட்சி
கன்சர்வேட்டிவ் கட்சியின் தலைவர், பிரித்தானிய பிரதமர் ரிஷி சுனக். சமீபத்தில் நடந்த தேர்தல்களில் ரிஷியின் கட்சி பெரும் பின்னடைவை சந்தித்துள்ளது. தேர்தலுக்கு முந்தைய கருத்துக்கணிப்புகள், கன்சர்வேட்டிவ் கட்சிக்கு மூன்றாவது இடமே கிடைக்கும் என்று கூறியுள்ளன.
லேபர் கட்சி
லேபர் கட்சியின் தலைவர், கெய்ர் ஸ்டார்மர். ஸ்டார்மர் ஒரு சட்டத்தரணி ஆவார். வரும் தேர்தலில் அவரது கட்சிதான் பெரும்பான்மை பெறும், அவர்தான் பிரதமர் ஆவார் என பல கருத்துக்கணிப்புகள் தெரிவித்துள்ளன.
லிபரல் டெமாக்ரட்ஸ் கட்சி
லிபரல் டெமாக்ரட்ஸ் கட்சியின் தலைவர், Ed Davey. அவர், முதன்முறையாக, 1997ஆம் ஆண்டு நாடாளுமன்ற உறுப்பினராக தேர்ந்தெடுக்கப்பட்டார். 2019ஆம் ஆண்டு லிபரல் டெமாக்ரட்ஸ் கட்சியின் தலைவரானார். சமீபத்திய தேர்தலில், லிபரல் டெமாக்ரட்ஸ் கட்சி 11 இருக்கைகளைக் கைப்பற்றியது.
REFORM UK
REFORM UK கட்சியின் தலைவர், நைஜல் ஃபாராஜ். திடீரென தேர்தலில் போட்டியிடுவதாகக் கூறி, கன்சர்வேட்டிவ் கட்சியினருக்கு பெரும் தலைவலியை ஏற்படுத்தியுள்ளார் நைஜல் ஃபாராஜ். இவரது REFORM UK கட்சிதான் இம்முறை எதிர்க்கட்சி அந்தஸ்தைப் பெறும் என கருத்துக்கணிப்புகள் கூறியுள்ளன.
SCOTTISH NATIONAL PARTY (SNP)
SCOTTISH NATIONAL கட்சியின் தலைவர், John Swinney. கடந்த தேர்தலில் அவரது கட்சிக்கு கிடைத்த இருக்கைகள் 48.
GREEN PARTY
GREEN கட்சியின் தலைவர்கள், Carla Denyer மற்றும் Adrian Ramsay. கடந்த தேர்தலில் இந்த கட்சிக்கு கிடைத்தது ஒரே ஒரு இருக்கை. என்றாலும் மனம் சோராமல் வரும் பொதுத்தேர்தலில் போட்டியிடுகின்றன இக்கட்சிகள். மக்கள் யாரிடம் ஆட்சியை ஒப்படைக்கிறார்கள் என்பதைப் பார்க்கலாம்.
உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
புங்குடுதீவு 9ம் வட்டாரம், புங்குடுதீவு, கொழும்பு கொம்பனித்தெரு
17 May, 2026
சிறுப்பிட்டி மேற்கு, Wembley, United Kingdom, Milton Keynes, United Kingdom
21 May, 2022
