லங்காசிறி FM
ரிஷி சுனக் தோல்வி தவிர்க்க முடியாததா? பிரித்தானிய பொதுத் தேர்தல் கருத்துக்கணிப்புகள்
Ragavan
in ஐக்கிய இராச்சியம்
பிரித்தானியாவின் முதல் இந்திய வம்சாவளி பிரதமர் ரிஷி சுனக் அடுத்த தேர்தலில் தோல்வியடைவார் என்கிறது கருத்துக்கணிப்புகள்.
அவர் தலைமையிலான கன்சர்வேட்டிவ் கட்சி இம்முறை அழிந்துவிடும் என்று இதுவரை மூன்று சர்வேகளில் தெரியவந்துள்ளது.
மற்றொரு சமீபத்திய கணக்கெடுப்பு ஜூலை 4-ஆம் திகதி நடைபெறும் தேர்தலில் சுனக் மோசமாக தோல்வியடைவார் என்று கணித்துள்ளது.
கணக்கெடுப்பில், தொழிலாளர் கட்சிக்கு ஆதரவு 46 சதவீதமாக இருந்தது, அதே நேரத்தில் கன்சர்வேடிவ் கட்சியின் ஆதரவு நான்கு புள்ளிகள் குறைந்து 21 சதவீதமாக உள்ளது.
சண்டே டெலிகிராப் இதழுக்காக சந்தை ஆராய்ச்சி நிறுவனமான Savanta ஜூன் 12 முதல் ஜூன் 14 வரை இந்த ஆய்வை நடத்தியது.
மக்கள் தபால் வாக்குகளைப் பெறுவதற்கு சில தினங்களுக்கு முன்புதான் கணக்கெடுப்பு முடிவுகள் வெளியாகி இருப்பது குறிப்பிடத்தக்கது.
வரும் பிரித்தானிய பொதுத் தேர்தலில் கன்சர்வேடிவ் கட்சி வெற்றி பெறுவது வெகு தொலைவில் இருக்கும் என்பதை தாங்கள் நடத்திய கருத்துக்கணிப்புகள் காட்டுவதாக Savanta Political Research-இன் இயக்குனர் கிறிஸ் ஹாப்கின்ஸ் தெரிவித்தார்.
650 உறுப்பினர்களைக் கொண்ட நாடாளுமன்றத்தில் கன்சர்வேடிவ் கட்சி வெறும் 72 இடங்களுக்கு மட்டுமே இருக்கும் என்று சர்வே கணித்துள்ளது.
200 ஆண்டு கால பிரித்தானிய தேர்தல் வரலாற்றில் இது மிகக் குறுகியதாகும்.
கணக்கெடுப்பின்படி, தொழிலாளர் கட்சி 456 இடங்களைப் பெறும்.
இதற்கிடையில், ரிஷி சுனக் மே 22 அன்று முன்கூட்டியே தேர்தலை அறிவித்து அனைவரையும் ஆச்சரியப்படுத்தினார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
