பிரித்தானியாவில் தவறுதலாக கைதிகள் விடுவிப்பு: அரசுக்கு எதிராக கடும் விமர்சனங்கள்

Migrants

By Ragavan Nov 06, 2025 05:15 PM GMT

Ragavan

in ஐக்கிய இராச்சியம்

Report

பிரித்தானியாவில் கைதிகள் தவறுதலாக விடுவிக்கப்படும் சம்பவங்கள் அதிகரித்து வருவதாக அதிகாரப்பூர்வ தகவல்கள் தெரிவிக்கின்றன.

சமீபத்தில், பாலியல் குற்றவாளியான எத்தியோப்பிய அகதியான ஹடுஷ் கெர்பர்ஸ்லாசி கெபாட்டுவின் தவறான விடுதலை, அரசின் சிறை நிர்வாகம் மற்றும் குடிவரவு கொள்கைகள் மீதான நம்பிக்கையை கேள்விக்குள்ளாக்கியுள்ளது.

இந்த சம்பவம், ஏற்கனவே இடம் பெற்றிருந்த எதிர்ப்பு ஆர்ப்பாட்டங்களை மேலும் தீவிரமாக்கியது.

அவர் மீண்டும் கைது செய்யப்பட்டு நாடு கடத்தப்பட்டாலும், இந்த தவறான விடுதலை அரசுக்கு பெரும் அழுத்தத்தை ஏற்படுத்தியுள்ளது.

பிரித்தானியாவில் தவறுதலாக கைதிகள் விடுவிப்பு: அரசுக்கு எதிராக கடும் விமர்சனங்கள் | Uk Faces Heat Over Prisoner Release Errors

கடந்த 12 மாதங்களில் மட்டும் 262 கைதிகள் தவறுதலாக விடுவிக்கப்பட்டுள்ளனர், இது கடந்த ஆண்டின் 115 விடுதலையை விட இரட்டிப்பு அளவாகும்.

இந்த நிலைமை, சிறை நிர்வாகத்தில் நிலவும் குழப்பம் மற்றும் கடந்த 30 ஆண்டுகளில் கைதிகள் எண்ணிக்கை இரட்டிப்பாக அதிகரித்ததால் ஏற்பட்ட கூட்ட நெரிசலை வெளிப்படுத்துகிறது.

நீதித்துறை அமைச்சர் டேவிட் லாமி, இந்த பிரச்சனையை சரிசெய்ய புதிய விதிமுறைகளை அறிவித்துள்ளார்.

ஆனால், சமீபத்திய தவறுகளை அவர் முன்கூட்டியே அறிந்திருந்தும் வெளியிடாதது விமர்சனங்களை ஏற்படுத்தியுள்ளது.

நீதித்துறை அமைச்சர் அலெக்ஸ் டேவிஸ்-ஜோன்ஸ் (Alex Davies-Jones), கடந்த 14 ஆண்டுகளாக குறைந்த நிதியுதவி மற்றும் சிக்கன் நடவடிக்கை மற்றும் சிறை கட்டடங்கள் போதிய அளவில் கட்டப்படாததையே இந்த நெருக்கடிக்கு காரணமாகக் கூறியுள்ளார்.

உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள்.

UK mistaken prisoner release 2025, Hadush Gerberslasie Kebatu case, UK prison overcrowding crisis, UK immigration and prison policy, David Lammy justice department, foreign offender deportation UK, UK prison system failures, Times Radio Alex Davies-Jones, UK asylum protests Epping, UK prisoner release statistics

மேலும் ஐக்கிய இராச்சியம் செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்